Lideri i Demokracisë Serbe, Aleksandër Arenijeviç, është liruar pasi që u arrestua disa orë më parë, për shkak se fishkëlleu për ët kundërshtuar vizitën e Kryeministrit të Kosovës, Albin Kurti, në Veri të vendit.
Arsenijeviç është liruar së bashku me nënkryetarin e Demokracisë Serbe, Ivan Orloviç – të dy janë dënuar për prishje të rendit dhe qetësisë publike.
Menjëherë pas arrestimit të dy politikanëve serbë, “Kossev” raporton se një grup i vogël qytetarësh dhe aktivistë civilë, u mblodhën para stacionit policor në Mitrovicë të Veriut, ku kanë pritur lirimin e tyre.
Kurti të martën qëndroi për vizitë në Veriun e vendit të banuar me shumicë serbe. Fillimisht ai vendosi gurthemelin e një stacioni policor në Leshak të Leposaviqit dhe më pas shkoi në një restorant në Mitrovicë të Veriut – i hapur së fundmi, për të përfunduar në takim me Kryetarin e Mitrovicës së Veriut, Erden Atiq.
Përgjatë kohës sa Kurti po qëndronte në Mitrovicë të Veriut, politikani serb nga Veriu, Aleksandër Arsenijeviç, fishkëlleu si shenjë revolte për vizitën e Kurtit në atë pjesë të vendit.
Pas këtij veprimi, politikani serb është arrestuar nga Policia e Kosovës. Arrestimi i tij ka nxitur reagime të shumta nga shoqëria civile në Kosovë, duke e konsideruar si të papranueshëm një veprim të tillë nga ana e autoriteteve të rendit.
Arrestimi i Arsenijeviç-it, Kurti: Kush ka vërejtje ndaj Policisë të ankohet tek Inspektorati
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hoti: Reformat fiskale janë dështim tjetër i qeverisë, për 4 vjet s’është ndërmarrë asnjë esenciale
-
Vdes një i burgosur në Spitalin Rajonal të Gjilanit
-
Dorëhiqet kryetari i degës më të madhe të VV-së në Drenas: U punësuan njerëz në institucione në mënyrë të pandershme
-
Kurti takon Koopman-in, zotohet që plotësisht t’i zbatojë obligimet që dalin nga Marrëveshja Bazike
