Përfundojnë dy ndeshje në Ligue 1 franceze. Skuadra e Lille-s ka arritur të marrë fitore në transfertë. Saint-Etienne është mundur në shtëpi. Ndeshjet u luajtën për llogari të javës së tetë në Ligue 1.
Në ndeshjen e parë, atë të orës 17:00, vendasit e Saint-Etienne kanë prekur fundin tashmë. Vetëm trë pikë kanë arritur të marrin në tetë ndeshje 10 herë kampionët e Ligue 1.
Saint-Etienne është mundur me rezultatin e pastër 0-3 nga Nice. Golat për miqtë u shënuan nga Amine Gouiri në pjesën e parë dhe dy të tjerë në pjesën e dytë nga Calvin Stengs-i dhe Jean-Clair Todibo.
Në ndeshjen tjetër, atë të orës 19:00, Lille i është falur dopietës së kanadezit, Jonathan David-it, përballë Strasbourg-ut vendas.
Ndeshja përfundoi 1-2 për kampionët në fuqi të Francës, që shënuan nga një gol për çdo pjesë. Për vendasit ngushtoi rezultatin, Ibrahima Sissoko.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com