Vllaznia është ndarë në barazim 1:1 ndaj ekipit rumun, Universitatea Craiova, në ndeshjen e parë të raundit të dytë kualifikues në Ligën e Konferencës.
Fillimi i ndeshjes në “Loro Boriçi” u karakterizua me lojë më të mirë të rumunëve, të cilët e nisën vrullshëm takimin.
Megjithatë Vllaznia arriti të mbrohej mirë, deri në sekondat e fundit të pjesës së parë, kur arbitri dha penallti për skuadrën e Craiova-s.
Penalltia e dhënë ishte “bujare” për mysafirët, derisa Andrei Ivan shënoi edhe pse portieri i Vllaznisë, Bojan Zogovic, e kuptoi anën dhe ishte shumë afër ta priste.
Pjesa e parë përfundoi me epërsi minimale të mysafirëve nga Rumunia, teksa në të dytën Vllaznia reagoi.
Ishte minuta e 51-të, kur Ardit Hoxhaj shënoi për ta barazuar rezultatin dhe për ta ndezur atmosferën në stadiumin “Loro Boriçi”.
Në vazhdim, Universitatea Craiova pati edhe dy raste të mira për ta fituar takimin, por shkodranët u mbrojtën mirë.
Ndeshja e kthimit në Rumani do të zhvillohet një javë më vonë, me Vllazninë që do të kërkojë ta fitojë ndeshjen për të vazhduar në raundin tjetër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë
