Në Cambodia, lideri më i shquar i opozitës është dënuar me 27 vjet arrest shtëpie për tradhti.

Kem Sokha, ish-udhëheqësi i Partisë Kombëtare të Shpëtimit tashmë të shpërbërë, i është ndaluar gjithashtu të kandidojë ose të votojë në zgjedhje.

Ai u akuzua për komplot me fuqitë e huaja për të rrëzuar qeverinë e kryeministrit Hun Sen.

Hun Sen është një nga autokratët më jetëgjatë në botë, i cili ka qenë në pushtet që nga viti 1985.

Kështu, Cambodia do të mbajë zgjedhje të përgjithshme në korrik. Shumica presin që ai të kandidojë sërish, megjithëse disa besojnë se ai po planifikon t’ia dorëzojë pushtetin djalit të tij të madh, Hun Manet.

Kem Sokha u arrestua për herë të parë në vitin 2017, bazuar në një video të vitit 2013, ku ai tha se kishte marrë mbështetje nga grupet pro-demokratike të SHBA-ve.

Sakaq, ai dhe avokatët e tij kanë mohuar akuzat dhe kanë thënë se rasti kundër tij është i pabazë.

W Patrick Murphy, ambasadori amerikan nëCambodia, ka thënë se rasti ishte një gabim i drejtësisë.

Avokati i Kem Sokha, Ang Udom, ka treguar se ekipi i tij ligjor do të apelojë kundër vendimit.

Grupet e të drejtave të njeriut dhe qeveritë perëndimore i kanë dënuar akuzat kundër tij si të pabaza dhe të motivuara politikisht.

“Ishte e qartë që në fillim se akuzat kundër Kem Sokha nuk ishin gjë tjetër veçse një dredhi e motivuar politikisht nga kryeministri Hun Sen për të mënjanuar liderin kryesor të opozitës dhe për të eliminuar sistemin demokratik të vendit”, ka thënë Phil Robertson, zëvendësdrejtor në Human Rights Watch.

“Të dërgosh Kem Sokha-n në burg nuk ka të bëjë vetëm me shkatërrimin e partisë së tij politike, por për të shuar çdo shpresë se mund të ketë një zgjedhje të përgjithshme të vërtetë në korrik”, ka shtuar ai.

Kem Sokha, një ish-avokat i të drejtave të njeriut, drejtoi Partinë e Shpëtimit Kombëtar Kamboxhiane. Popullariteti i saj u rrit në zgjedhjet e kaluara, në një pikë ku ishte gati të rrëzonte Hun Sen dhe partinë e tij.

Partia e tij u ndalua përpara zgjedhjeve të vitit 2018. Shumica e drejtuesve të saj ose janë ndjekur penalisht ose janë detyruar në mërgim.

Muajin e kaluar, Hun Sen mbylli një nga mediat e fundit të pavarura të vendit, duke thënë se ajo publikoi një histori që sulmoi djalin e tij dhe dëmtoi reputacionin e qeverisë.

Marrë nga “BBC”, përshtatur për “Albanian Post”.