Nënshkrimi më i madh i Barcelonës gjatë verës, Robert Lewandowski, ka shpjeguar pse ai zgjodhi të nënshkruante për Blaugranat pasi ishte afër nënshkrimit për Real Madrid-in më parë.
Lewandowski ishte në radarin e Real Madrid-it gjatë ditëve të tij në Borussia Dortmund dhe Bayern Munich, me fotot e kontratës së raportuar që iu ofrua në vitin 2013, të cilat gjithashtu kishin rrjedhur në internet.
“Kur pashë se sa e vendosur ishte Barcelona për të më marrë mua, e dija se ky transferim ishte shumë më real se çdo lidhje ime e mëparshme me Real Madrid-in”, shpjegoi Lewandowski në një intervistë.
Lewandowski pranoi për SPORT1 në të kaluarën se “ka pasur bisedime me Real Madrid-in, por asgjë nuk doli prej tyre”.
Robert Lewandowski ka qenë shumë pranë bashkimit me Real Madrid-in disa herë gjatë karrierës së tij.
Golashënuesi foli edhe për familjen dhe jetën e tij private në Barcelonë.
“Nuk është aq keq sa prisja, njerëzit e respektojnë privatësinë time”, pranoi Lewandowski.
“Sigurisht, Barcelona është një destinacion turistik, gjatë sezonit ka shumë vizitorë, kështu që kjo mund të ndryshojë. Ne jemi një familje aktive, na pëlqen të ecim”.
“Të jetosh në Spanjë dhe të luash në La Liga ishte gjithmonë një ëndërr, jo vetëm në aspektin sportiv, por edhe në aspektin privat”.
/Albanianpost.com-
SHBA, akuza për abuzim seksual në futbollin e femrave
-
Ekipi nga La Liga shkarkon trajnerin pas humbjes nga skuadra e Ivan Balliut
-
Formacionet e mundshme mes Inter-it dhe Barcelonës, Asllani pritet të jetë titullar
-
Ceferin: Finalja në Tiranë ishte një sukses i madh, Superliga ishte momenti më i vështirë
Lajmet kryesore
-
Kurti ndryshe nga Vetëvendosje: “Për 20 vjet nga viktima jemi kthyer në fanar të demokracisë” – kush mendon ndryshe i bën favor Putin-it
-
Meta i gatshëm për çdo datë të zgjedhjeve vendore
-
SHBA-të dhe Koreja e Jugut i përgjigjen raketës koreano-veriore me stërvitje bombarduese ushtarake
-
Kosova e Serbia mund të kenë takim “privat” në OKB
