Katër ndeshjet e para të së shtunës në Bundesligë ishin interesante dhe surprizuese.
Dueli mes Bayer Leverkusen-it dhe Schalke-s përfundoi me fitoren e këtyre të parëve me rezultat 4:0.
Ndeshja ishte plotësisht e dominuar nga vendasit, të cilët gjetën golin e parë në minutën e 38-të, me anë të Moussa Diaby-t.
Pas vetëm tre minutash, Jeremie Frimpong dyfishoi epërsinë, i cili u asistua nga autori i golit të parë.
Në pjesën e dytë, në minutën e 52-të, ishte përsëri Frimpong i cili shënoi për 3:0.
Pak para përfundimit të ndeshjes, në minutën e 90-të, Paulinho shënoi për rezultatin përfundimtar 4:0.
Në anën tjetër, Bochum ka mposhtur me rezultat bindës Eintracht Frankfurt-in.
Pjesa e parë ishte e qetë dhe pa gola.
Në pjesën e dytë, në minutën e 70-të, Hoffmann shënoi për t’i dhënë epërsinë Bochum-it.
Eintracht-i po luftonin për barazim, por në minutën e 88-të, shënuan një autogol, për t’i dhënë epërsinë e dyfishtë Bochum-it.
Për rezultatin përfundimtar, u përkujdes Forster, i cili shënoi në minutën e 91-të.
Ndërsa dueli mes Mainz-it dhe Leipzig-ut përfundoi me rezultat të barabartë 1:1.
Dueli ishte kryesisht i dominuar nga Leipzig, por ata nuk i shfrytëzuan mirë mundësitë që kishin.
Goli i parë i ndeshjes u shënua nga vendasit, në fund të pjesës së parë, në minutën e 45-të, me anë Ingvarsten.
Vendasit u mbrojtën për një kohë të gjatë, por Christian Nkunku nuk lejoi humbjen e Leipzig, duke shënuar në minutën e 80-të për të fituar një pikë.
Ndeshja tjetër mes Augsburg dhe Wolfsburg ka përfunduar me rezultat të barabartë 1:1.
Kujtojmë se në ora 18:30 do të luhet derbi i Bundesligës, mes Borussia Dortmund-it dhe Bayern Munich-ut.