Një zjarr i madh ka përfshirë komunën e Lipjanit të enjten, ku për shkak të tymit një zjarrfikës ka pësuar lëndime dhe ka kërkuar ndihmë mjekësore.
Lajmin për Albanian Post e ka konfirmuar zëdhënësja e Policisë për rajonin e Prishtinës, Flora Ahmeti.
Ajo sqaroi se zjarrfikësit janë duke vazhduar punën për lokalizimin e zjarrit.
“Në vendngjarje janë zjarrfikësit dhe policia të cilët po merren me rastin. Për shkak të tymit, tretman mjekësor ka pranuar një zjarrfikës”, tha Ahmeti për AP.
Ndërsa, ka shtuar se me informacionet që kanë deri tani dy objekte janë përfshirë nga zjarri.
“Sot rreth orës 19:00, kemi pranuar informatën për një incident zjarri në Lipjan. Bazuar në të dhënat e deritanishme, nga zjarri janë përfshitë dy objekte ( një me ushqim për kafshë dhe një me pajisje bujqësore) si dhe dy serra.
Ahmeti, ka sqaruar se hetimet për këtë rast janë duke vazhduar, pasi që akoma nuk dihet se çfarë ka sjellur deri tek shkaktimi i zjarrit në objekte.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
