Gjermania u përball me një incident diplomatik të shtunën e 22 janarit.
Kjo, pas komenteve të bëra nga shefi i Marinës gjermane, Kay-Achim Schönbach për presidentin rus Vladimir Putin dhe krizën në Ukrainë.
Schönbach dha dorëheqjen nga posti i tij gjatë orëve të mbrëmjes.
“Kam kërkuar nga ministrja e Mbrojtjes Christine Lambrecht që të më shkarkojë nga detyrat e mia me efekt të menjëhershëm”, tha zëvendës-admirali Kay-Achim Schoenbach për Reuters.
Sipas tij, ministri gjerman e ka pranuar kërkesën e tij.
Komentet
Lëvizja u nxit nga një fjalim që Schönbach mbajti gjatë një vizite në Indi.
Gjatë një fjale në Institutin për Studime dhe Analiza të Mbrojtjes “Manohar Parrikar”, zëvendës-admirali gjerman tha se Putin meritonte “ndoshta” respekt.
“Ajo që ai me të vërtetë dëshiron është respekti”, do të shprehte zëvendësadmirali.
Schönbach tha se veprimet e Rusisë në Ukrainë duhet të adresohen, por shtoi se “gadishulli i Krimesë është zhdukur: Nuk do të kthehet kurrë – ky është një fakt”.
Vërejtjet kundërshtuan drejtpërdrejt pikëpamjen zyrtare të Bashkimit Evropian dhe Shteteve të Bashkuara.
Komentet e shefit të marinës vijnë në një kohë kur Rusia ka mbledhur dhjetëra mijëra trupa në kufijtë e Ukrainës.
Nga ana e tyre, autoritetet ruse kanë mohuar çdo agresion të planifikuar kundër Ukrainës.
Qeveria gjermane nuk bëri asnjë deklaratë zyrtare, megjithëse u distancua nga komentet e Schönbach-ut.
“Përmbajtja dhe zgjedhja e fjalëve të deklaratave në asnjë mënyrë nuk korrespondojnë me qëndrimin e Ministrisë Federale të Mbrojtjes”, tha një zëdhënës i Ministrisë gjermane të Mbrojtjes për transmetuesin publik ZDF.
Meine sicherheitspolitischen Äußerungen in einer Talkrunde eines Think Tanks in Indien gaben meine persönliche Meinung für diesen Moment vor Ort wieder. Sie entsprechen in keinster Weise der offiziellen Position des @BMVg_Bundeswehr. #deutschemarine
— chiefdeunavy (@chiefdeunavy) January 22, 2022
Nga ana e tij, Schönbach kërkoi falje në profilin e tij në Twitter.
“Nuk ka nevojë të diskutohet: ishte qartësisht një gabim”, shkroi ai në Twitter.
Zëvendës-admirali sqaroi se vërejtjet pasqyruan mendimin e tij personal “në atë moment”.
Reagimi i Ukrainës
Ministria e Jashtme e Ukrainës i bëri thirrje Gjermanisë të refuzojë komentet e Schönbach në lidhje me Krimenë.
“Ukraina është mirënjohëse ndaj Gjermanisë për mbështetjen që ka dhënë tashmë që nga viti 2014, si dhe për përpjekjet diplomatike për të zgjidhur konfliktin e armatosur ruso-ukrainas. Por deklaratat aktuale të Gjermanisë janë zhgënjyese dhe bien ndesh me atë mbështetje dhe përpjekje”, tha ministri Dmytro Kuleba në Twitter.
Kiev-i zyrtar gjithashtu theksoi “zhgënjimin e tij të thellë” për pozicionin e qeverisë gjermane.
Kjo, “për dështimin e sigurimit të armëve mbrojtëse për Ukrainën”.
Mungesa e mbështetjes së armëve është një tjetër pikë mosmarrëveshjeje mes dy vendeve.
Berlini zyrtar ka argumentuar prej kohësh se nuk mbështet dërgimin e armëve në zonat aktive të konfliktit.
Autoritetet gjermane theksuan se dërgesa të tilla do të pengonin negociatat dhe një zgjidhje paqësore të krizës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE