Skuadra e Julian Nagelsmann ngjitet përkohësisht në krye pas fitores në fushën e Freiburg.
Tre gola për tre pikë ishtin të mjaftueshme që Leipzig të shihte veten mbi Bayern-in, duke udhëhequr Bundesliga-n.
Ishte Nkunku ai i cili për mrekulli shfrytëzoi një pasim nga Poulsen duke hapur ndeshjen.
Në pjesën e dytë, ishte Sorloth që shënoi golin e dytë qetësisht në një situatë ball për ballë me portjerin.
Dhjetë minuta para fundit, Forsberg vulosi rezultatin përfundimtar të ndeshjes duke shënuar golin e tretë të ndeshjes.
Përsëri protagonist ishte njeriu i momentit te Leipzig, Sorloth, që dha pasimin vendimtar për golin e Forsberg.
Me këtë tre pikësh, Leipzig ngjitet në vendin e parë të paktën deri në orën 18:30, në pritje të rezultatit nga ndeshja Bayern – Dortmund.
Ndeshjet tjera përfunduan me këto rezultate:
Monchengladbach 0-1 Leverkusen
Eintracht Franfkurt 1-1 Stuttgart
Hertha Berlin 2-1 Augsburg
Hoffenheim 2-1 Wolfsburg
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
