Legjenda e futbollit, Pele vendoset në kujdesin paliativ

Legjenda e futbollit brazilian Pele “është transferuar në kujdesin paliativ” në spital dhe “nuk po i përgjigjet më kimioterapisë” në luftën e tij kundër kancerit të zorrëve.

Raportet në Brazil thanë se 82-vjeçari, i cili shkoi në spital javën e kaluar, po merr masa për të lehtësuar dhimbjen.

Ai u shtrua në spitalin “Albert Einstein” në Sao Paulo, Brazil të martën duke vuajtur nga “ënjtja e përgjithshme” dhe probleme të “zemrës”.

Një përditësim të enjten tha se fituesi i trefishtë i Kupës së Botës ishte në një gjendje “stabile” në spital me vajzën e tij Kely duke këmbëngulur se nuk kishte “asnjë arsye për alarm”.

Megjithatë, një raport nga “Folha de Sao Paulo” të shtunën, tha se Pele nuk po i përgjigjet më trajtimit me kimioterapi që i është nënshtruar që nga shtatori i kaluar për të trajtuar kancerin e zorrëve.

Ata thanë se ai tani është në kujdesin paliativ dhe nuk do t’i nënshtrohet testeve ose trajtimit invaziv. Kujdesi paliativ është për pacientët me sëmundje ose kushte potencialisht kërcënuese për jetën dhe kujdes në fund të jetës.

Pele – emri i plotë i të cilit është Edson Arantes do Nascimento – konsiderohet nga shumë njerëz si futbollisti më i madh i të gjitha kohërave.

Ai fitoi tre Kupa Botërore me Brazilin në 1958, 1962 dhe 1970 dhe shënoi 643 gola në 659 ndeshje zyrtare për klubin brazilian Santos. Ai shënoi 77 herë në 92 ndeshje për kombëtaren e vendit të tij.

Të premten, Spitali “Albert Einstein” lëshoi një deklaratë duke thënë se Pele ishte diagnostikuar me një “infeksion respirator” që po trajtohej me antibiotikë.

Përditësimi tha se ish-lojtari pritet të qëndrojë në spital për trajtim të vazhdueshëm në ditët në vijim, por tha se gjendja e tij ishte “stabile”.

Në një postim në llogarinë e Pele në Instagram të premten, ai iu përgjigj një mesazhi “Shërohuni shpejt” që ishte projektuar në një ndërtesë në Katar, ku po zhvillohet Kupa e Botës.

Ai shkroi: “Miq, jam në spital duke bërë vizitën time mujore. Është gjithmonë mirë të marrësh mesazhe pozitive si ky. Faleminderit Katarit për këtë nderim dhe të gjithëve që më dërgojnë humor të mira”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.