![](https://albanianpost.com/wp-content/uploads/2022/11/tajani-1.jpg)
Për ministrin e Punëve të Jashtme të Italisë, Antonio Tajani, heqja e barrikadave në Veri të Kosovës është ekskluzivisht rezultat i punës së bërë me sinergji në mes të Bashkimit Evropian, Shteteve të Bashkuara të Amerikës dhe NATO-s, gjegjësisht KFOR-it.
Serbët të enjten kanë nisur largimin e barrikadave në mënyrë graduale pasi njëra ndër kushtet e tyre, e cila ishte lirimi nga paraburgimi i ish-policit të Kosovës nga komuniteti serb, Dejan Pantiç, u plotësua.
Prandaj, kryediplomati italian, ka kërkuar që tashmë të dyja palët, Kosova dhe Serbia pas de-përshkallëzimit të situatës në këtë pjesë të vendit të fokusohen në dialog.
“Qeveria e Kosovës dhe ajo e Serbisë duhet të punojnë për të forcuar dialogun nën patronazhin e BE-së. Italia do të vazhdojë të bëjë pjesën e saj”, ka shkruar Tajani në rrjetin e tij social në Twitter.
La rimozione dei blocchi stradali è un ulteriore risultato del lavoro fatto in sinergia con Ue, Usa e @NATO_KFOR per allentare le tensioni in Kosovo. I Governi serbo e kosovaro lavorino per rafforzare un dialogo sotto l'egida dell'Ue. L'Italia continuerà a fare la sua parte.
— Antonio Tajani (@Antonio_Tajani) December 30, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com