Lamtumira e fundit për Sassoli-n në Romë, personalitetet evropiane të pranishëm

Kryeqyteti italian i Romës është kthyer në qendër të vëmendjes të komunitetit të Bashkimit Evropian, pasi po zhvillohet varrimi i ish-Presidentit të Parlamentit Evropian, David Sassoli, i cili u përcoll për në banesën e fundit, mëngjesin e 14 janarit.

Të pranishëm në funeralin e tij kishtar, kanë qenë përfaqësuesit më të lartë evropianë. Presidentja e Komisionit Evropian, Ursula von der Leyen dhe homologu i saj i Këshillit të Evropës, Charles Michel, kanë qenë pjesë e ceremonisë.

Sakaq, edhe përfaqësuesit më të mëdhenj të shtetit italian, i janë bashkuar kremtimit.

Presidenti Sergio Mattarella dhe kryeministri Mario Draghi, kanë përftuar të shkëmbejnë dy fjalë me të pranishmit nga BE-ja, teksa trupi i Sassoli-t po mbërrinte në kishë.

I njohur si një evropian i pashoq dhe italian krenar, Sassoli u nda nga jeta në moshën 65-vjeçare, të martën e 11 janarit, pas një shtrimi dy-javor në spital.

Humbja e tij la gjurmë në komunitetin evropian dhe më gjerë, ku homazhet nuk munguan as nga politikanët shqiptarë.

Në një arkivol tejet të thjeshtë, ashtu si ishte dhe vetë ai, i mbështjellë me flamurin e BE-së, Sassoli i jep lamtumirën unionit, për të cilin ai loboi të zgjerohej dhe luftoi të bashkëhej.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.