Lampard: Kështu nuk vazhdohet

Skuadra angleze, Everton, mezi arriti ta sigurojë mbijetesën në Premier League në edicionin e kaluar.

Ata po kalojnë në formë të dobët edhe në ndeshjet miqësore para-sezonale, teksa këtë e konfirmoi edhe trajneri i tyre, Frank Lampard.

Everton-i pësoi humbjen e dytë radhazi në ndeshjet miqësore, teksa pas disfatës me Arsenal-in, u mposht edhe ndaj ekipit amerikan, Minesota United, me rezultat 4:0.

Pas kësaj ndeshje, foli edhe trajneri Lampard, i cili tha se nuk mund të vazhdohet kështu.

“Lojtarët duhet të kuptojnë se sezonin e mezi arritëm mbijetesën dhe kjo gjë duhet të ndryshoj, nuk duhet të përsëritet edhe në sezonin e ardhshëm”, tha trajneri anglez.

“Arsyet pse ishim në atë situatë edicionin e kaluar i dimë të gjithë, tani është momenti të ndryshojmë”, shtoi ai.

“Kemi shumë punë, por pak kohë në dispozicion. Kemi humbur edhe cilësi në këtë merkato dhe jemi ende në pritje të përforcimeve të duhura”.

Nuk flas për rezultate, por për mentalitetin e lojës, kështu është e pamundur, nuk mund të vazhdojmë në këtë mënyrë”, tha mes tjerash Lampard.

Everton ka humbur shumë cilësi dhe gola në merkato, pasi Tottenham firmosi me sulmuesin kryesor të tyre, brazilianin Richarlison.

Ndërsa afrimet kanë qenë të pakta dhe pa bujë, duke ulur shumë pretendimet edhe për sezonin e ri, ndaj Lampard ka reaguar për të dërguar një sinjal jo vetëm te lojtarët, por edhe te drejtuesit e klubit.

Kujtojmë Evertoni është një skuadër që në të shumtën e rasteve ka qenë në pjesën e parë të tabelës në vitet e fundit, ndërsa në sezonin e kaluar e siguruan mbijetesën në ndeshjen e parafundit ndaj Crystal Palace.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.