Ndeshja mes Indiana Pacers dhe Los Angeles Lakers në NBA, ishte dramatike dhe përfundoi me fitoren e këtyre të fundit me rezultat 115:122.
Me kthimin e yllit, LeBron James nga lëndimi, Lakers ishin më dominant.
Në çerekun e katërt, pas një epërsie të Lakers, Pacers arritën ta afrojnë rezultatin, por, James ishte vendimtar duke i dhënë fitore shumë të rëndësishme Lakers.
Lakers, tani më po luftojnë për pozitën e gjashtë, pasi, ata ndodhen në vendin e shtatë me rekord të barabartë me Portland Trail Blazers.
Më të dalluarit te Lakers ishin, LeBron James me 24 pikë, 8 asistime e 7 kërcime dhe Anthony Davis me 28 pikë e 10 kërcime.
Më të mirët te Pacers ishin, Caris Lavert me 28 pikë e 12 asistime dhe JaKarr Sampson me 20 pikë.
https://www.youtube.com/watch?v=4xPXV-bJNLc&ab_channel=MLGHighlights
Ndeshja mes Chicago Bulls dhe Brooklyn Nets, ishte po ashtu interesante dhe përfundoi me fitoren e Nets, me rezultat 91:105.
Me ekipin e Brooklyn kanë startuar treshja fantastike me Kevin Durant, James Harden dhe Kyrie Irving, për herë të parë që nga lëndimi i Durant.
Ndeshja ishte e dominuar nga Nets, të cilët po luftojnë të qëndrojnë në pozitën e dytë, në konferencën lindore.
Më të dalluarit te Nets ishin Kyrie Irving me 22 pikë dhe Bruce Broën me 16 pikë e 12 kërcime.
Më të mirët te Bulls ishin Patrick Williams me 24 pikë dhe Thaddeus Young me 19 pikë e 13 kërcime.
https://www.youtube.com/watch?v=7UAZefSfQIQ&ab_channel=MLGHighlights
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
