Lajçaku takon presidentin e Komitetit të Ministrave të KiE-së, një ditë pas dështimit të takimit Kurti-Vuçiç në Bruksel

Emisari i Bashkimit Evropian (BE) për dialogun Kosovë-Serbi, Mirosllav Lajçak, nëpërmjet një postimi në platformën “X” të enjten, njoftoi se ka takuar kryediplomatin lituanez, Gabrielius Landsbergis, i cili aktualisht shërben si president i Komitetit të Ministrave të Këshillit të Evropës (KiE).

“Sot takova Ministrin e Punëve të Jashtme të Lituanisë dhe diskutuam rreth situatës aktuale politike në dialog dhe prioritetet në rolet tona përkatëse”, ka shkruar Lajçaku, një ditë pas dështimit të takimit të planifikuar nga BE-ja midis kryeministrit të Kosovës, Albin Kurti, dhe presidentit të Serbisë, Aleksandër Vuçiç, i cili do të fokusohej në zbatimin e marrëveshjeve.

Autoritetet e Kosovës aplikuan për anëtarësim në KiE në vitin 2022. Megjithatë, vendi i vogël ballkanik mbetet në vendndalim për shkak të zhvillimeve politike. Kërkesa e Kosovës nuk u mor parasysh muajin e kaluar, kryesisht për shkak se Gjermania, Franca dhe Italia, kushtëzuan Kosovën të bëjë hapa konkretë drejt Asociacionit të Komunave me Shumicë Serbe.

Kosova u mbështet nga shumica e deputetëve në Asamblenë e Parlamentare të KiE-së për të kaluar fazën e parafundit drejt anëtarësimit në panteonin e kombeve të barabarta evropiane. Megjithatë, rruga e vendit devoji krejt në fund, duke bërë që anëtarësimi në këtë organizatë të rëndësishme evropiane të shtyhet për shkak të zhvillimeve politike në dialogun e BE-së.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.