I deleguari special i Bashkimit Evropian për dialogun, Miroslav Lajçak, të premten në mëngjes në ndërtesën e Ministrisë së Punëve të Jashtme të Greqisë ka takuar kryediplomatin grek, Nikos Dendias, me të cilin kanë diskutuar për procesin e dialogut Kosovë-Serbi.
Diplomati sllovak pas takimit me Dendias ka falënderuar këtë të fundit për interesin e Greqisë për Ballkanin Perëndimor dhe për mbështetjen e përpjekjeve të BE-së në rajon.
Thank you dear @NikosDendias for Greece’s interest in the Western Balkan and support of our join 🇪🇺 efforts in the region. https://t.co/XGloH3DgKB
— Miroslav Lajčák (@MiroslavLajcak) April 28, 2023
Në anën tjetër kryediplomati grek ka bërë të ditur se në takimin me Lajçak është diskutuar çëshja e dialogut dhe perspektiva e Unionit në Ballkanin Perëndimor.
During a meeting held earlier today at @GreeceMFA, I discussed with #EUSR @MiroslavLajcak the progress of the Belgrade-Pristina Dialogue & #WesternBalkans EU perspective. pic.twitter.com/QB6I98ISCU
— Nikos Dendias (@NikosDendias) April 27, 2023
Ndryshe Lajçak në një intervistë për median sllovake “Dennik”, tha se në krye të agjendës së takimit të nivelit të lartë në kuadër të dialogut në Bruksel më 2 maj, do të jetë themelimi i Asociacionit të Komunave me shumicë në Kosovë.
Lajçak theksoi se mbi tryezën negociuese ku do të ulen e të bisedojnë kryeministri i Kosovës, Albin Kurti dhe presidenti i Serbisë, Aleksandër Vuçiç, do të jetë Draft-Statuti i Asociacionit për të “përcaktuar statusin ligjor të serbëve të Kosovës” dhe “se çfarë kompetencash do të ketë”.
“Për mua e rëndësishme është që më 2 maj të kemi takimin e planifikuar mes Presidentit Vuçiç dhe Kryeministrit Kurti në Bruksel, ku fillimi i procesit të themelimit të Asociacionit të Komunave me shumcië serbe do të jenë në agjendë. Draft-Statuti do të paraqitet, i cili është hapi i parë i detyrueshëm dhe i rëndësishëm”, tha Lajçak.
Për diplomatin sllovak, ndonëse tema e Asociacionit është tejet e ndjeshme, ajo që do të ndodhë në Bruksel “do të jetë hapi i parë i detyrueshëm dhe i rëndësishëm”, duke iu qëndruar pas modeleve evropianeve që rregullojnë çështjen e pakicave kombëtare në Evropë.
“Është temë e ndjeshme, ka ende shumë për të biseduar rreth saj, por për mua është e rëndësishme që më në fund të nisim të përcaktojnë se çfarë do të thotë ky Asociacion, cili do të jetë statusi ligjor i tij, çfarë kompetencash do të ketë. Do t’u rrimë prapa modeleve evropiane”, shtoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Muhaxheri: Sveçla është në koordinim me Serbinë për sa i përket konfiskimit të armatimit në Veri
-
Vuçeviç e Hill diskutojnë për situatën “problematike” në Kosovë
-
Takimi Kurti – Krasniqi, Hamza: S’duhet të shihet si diçka e jashtëzakonshme
-
Policia konfiskon armë në Veri, i dyshuar është një ish-zyrtar policor
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’