![](https://albanianpost.com/wp-content/uploads/2022/02/20160712_EP-039702A_ABE_011-640x427-1.jpg)
Përfaqësuesi special i Bashkimit Evropian për dialogun Kosovë-Serbi, Miroslav Lajçak ka thënë se Kosova e Serbia janë afër arritjes së një marrëveshjeje në lidhje me disa dokumente.
Kështu ka shkruar Lajçak në rrjetin social “Twitter”, duke thënë se megjithëse janë afër kësaj marrëveshjeje, hapi i fundit shpesh është më i vështiri.
“Pa 11 orësh negociata intensive dje, jemi afër arritjes së një marrëveshje për disa dokumente. Por shpesh hapi i fundit është më i vështiri. Puna vazhdon”, ka shkruar Lajçak.
After 11 hours of intense negotiations yesterday, we are close to reaching an agreement on some documents. But as so often, the last step is the most difficult one. The work continues.
— Miroslav Lajčák (@MiroslavLajcak) February 23, 2022
Më 23 shkurt, Zyra e Kryeministrit të Kosovës njoftoi se në kuadër të takimi dy-palësh me ndërmjetësin e BE-së, Mirosllav Lajçak dhe zv/kryeministrit të Kosovës, Besnik Bislimi, njoftoi se temë diskutimi ishin personat e zhdukur me forcë gjatë luftës, si dhe zgjidhja sa më shpejt e kësaj çështje.
Gjithashtu u fol edhe për energjinë në kuadër të marrëveshjeve ekzistuese me Serbinë.
Takimi i së martës që u parapa të zhvillohet në nivel kryenegociatorësh, respektivisht mes zv/kryeministrit të Kosovës Besnik Bislimi, dhe të ashtuquajturit drejtzor i zyrës “për Kosovën” në Serbi, Petar Petkoviç, dështoi të mbahej.
![](https://albanianpost.com/wp-content/uploads/2022/02/Pa-titull-10.png)
Petar Petkoviç, tha se pa implementimin e marrëveshjes për Asociacionin e Komunave me shumicë serbe “Serbia nuk ke se pse të vazhdojë të dialogojë më tutje”.
Në anën tjetër, Kosova refuzon Marrëveshjen për themelimin e Asociacionit të Komunave me Shumicë serbe, e cila në mbi 20 pika ishte shpallur si inkonsistente me Kushtetutën e Kosovës nga Gjykata Kushtetuese.
Shtetet e Bashkuara të Amerikës kanë bërë thirrje që të gjenden modalitetet e mundshme për formimin e një asociacioni e cila nuk bie ndesh me Kushtetutën e vendit.
Ndërkohë, edhe Bashkimi Evropian ka pasur kërkesë të njëjtë, ndonëse ndryshe nga më parë që thoshte se “Kushtetuta nuk është Bibël”.
Serbia me ngulm kërkon implementimin e kësaj marrëveshje, pa të cilën thonë se “nuk mund të dialogohet më tutje”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com