Këngëtarja Lady Gaga e di se dëgjuesit e saj janë të etur për përditësime në albumin e saj të shtatë në studio.
Ndërsa fliste me NikkieTutorials, ylli i hitit “Bad Romance” siguroi fansat e saj, të njohur si Little Monsters, se “po punon sa më shpejt që të mundet” për ta përfunduar albumin, shkruan CNN, transmeton AlbanianPost.
Lady Gaga gives an update on #LG7 to NikkiTutorials:
“I’m working as fast as I can.” pic.twitter.com/xS9cEsZJUD
— Pop Crave (@PopCrave) March 26, 2024
“Them se po ndihem thellësisht e frymëzuar tani dhe jam shumë e emocionuar për gjithçka që kam për t’u treguar të gjithë fansave”, tha Gaga në një klip nga intervista e postuar në rrjetet sociale.
“Unë jam thellësisht mirënjohëse për emocionet e të gjithëve në krijimtarinë time”, shtoi ajo.
Ndërsa detajet se si do të tingëllojë muzika e saj e re janë të pakta, fituesja e çmimeve “Oscar” e “Grammy” ndau në faqen e saj në Instagram në shkurt se ajo “nuk po bën një album rok”.
Ajo gjithashtu ka bërë të ditur muajt e fundit se po përkujdeset vet për shkrimin e teksteve të këngëve të reja të saj, duke shfaqur foto të saj në studion e regjistrimit.
Përndryshe, kanë kaluar katër vjet që kur Gaga publikoi një album në studio – i fundit ishte “Chromatica” i vitit 2020.
“Chromatica”, albumi i gjashtë në studio i Gagas i publikuar më 29 maj yë 2020-tës, përqendrohet në idetë e lumturisë së palëkundur dhe kërkimit të shërimit.
Këngët e regjistruara përfshijnë tema të frymëzuara nga romanca e dështuar dhe betejat e shëndetit mendor në jetën private të Gaga-s.
Blackpink, Ariana Grande dhe Elton John ishin veç disa prej artistëve të ftuar në këtë album.
Por ndërkohë – dhe për të qenë të drejtë – ylli ka qenë e angazhuar pothuajse tërë kohës.
Gaga ka qenë duke bërë një punë e vështirë për të filmuar vazhdimin e shumëpritur të “Joker” të titulluar “Joker: Folie à Deux”, i cili përfundoi prodhimin në prill të vitit të kaluar dhe do të dalë në tetor.
Në këtë film i cili cilësohet si një muzikal, Gaga luan Harley Quinn së bashku me Joaquin Phoenix, i cili është duke ripërsëritur rolin e tij titullar si Joker.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Madonna thotë se “entuziazmi” i fëmijëve të saj e mbajti atë “në formë” gjatë turneut “Celebration”
-
Eminem publikon albumin e ri këtë verë – “The Death of Slim Shady“
-
Kim Petras anulon koncertet e kësaj vere për shkak të “disa çështjeve shëndetësore”
-
“Siguria ime u rrezikua disa herë”, zbulon Billie Eilish
Lajmet kryesore
-
Partia do ribëhet, Meta paralajmëron ata që nuk janë pro tij
-
Hetimet mbi Kadastrën, SPAK zbardh akuzat për 4 të arrestuarit
-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
-
Deputeti gjerman skeptik për anëtarësimin e Kosovës në KiE – çështja është Asociacioni