Sport

Laçi ia del, kurbinasit kualifikohen në turin e tretë të Conference League


Laçi ia ka dal të kualifikohet në turin e tretë të Conference League pas barazimit pa gola përballë Craiova-s në Rumani.

Pas 100 minutash lojë të zhvilluar në Rumani, Laçi është kualifikuar pasi arriti të fitonte ndeshjen e parë në “Elbasan Arena” me rezultatin 1-0.

Pas Teutës dhe Prishtinës, Laçi është skuadra tjetër shqiptare që kalon në turin e tretë të Conference League.

Kurbinasit do të kenë një përballje të fortë në raundin tjetër pasi shorti i ka vendosur përballë gjigandëve belg të Anderlecht-it, por në futboll asgjë nuk është e pamundur.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore