Qazim Laçi, mesfushori i Kombëtares shqiptare të futbollit, ka arritur të realizojë golin e tij të parë në karrierë në Champions League, për ekipin ku aktivizohet, Sparta e Pragës.
Laçi shënoi të tretin gol në radhë nga tre me të cilët Sparta ndëshkoi kundërshtarët e Salzburg. Por, ky gol, ishte edhe i veçantë, jo vetëm se ishte i pari për Laçin.
Me një lëvizje shumë të bukur, ai arriti që të “dehte” praktikisht portierin dhe dy mbrojtës, duke i bërë ata të rrëshqisnin për të kapur topin.
Por, Laçi, nuk goditi menjëherë. Ai kreu një finte dhe më tej me portën krejtësisht të boshatisur, e dërgoi topin në rrjetë.
Kështu, duke e nisur mbarë jo fushatën e Champions të ekipit, por edhe duke shpërblyer besimin e trajnerit Lars Friis, duke e aktivizuar Laçin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
