Kush është Maria Lvova-Belova, komisionerja nën urdhër-arrest nga Gjykata Ndërkombëtare Penale

E martuar me një prift ortodoks, pesë fëmijë natyralë dhe tetëmbëdhjetë të birësuar.

Maria Lvova-Belova është Komisionerja për të Drejtat e Fëmijëve në Federatën Ruse që nga tetori i vitit 2021.

E lindur në vitin 1984 në qytetin e Penzës, 700 km larg Moskës, ajo punoi si mësuese kitare në shkollat ​​lokale të muzikës për fëmijë përpara se të fillonte një karrierë politike, fillimisht në nivel rajonal dhe më pas në nivel kombëtar, duke iu bashkuar  në vitin 2019  Partisë së Rusisë, ajo e Vladimir Putinit.

Lvova-Belova, e cila ka një marrëdhënie shumë të ngushtë me presidentin rus, konsiderohet ndër aktivistët ndërkombëtarë të të drejtave të njeriut si “një nga figurat më të përfshira në dëbimin dhe birësimin nga Rusia të fëmijëve ukrainas, si dhe në përdorimin e kampeve për ‘ integrimin e tyre në shoqërinë dhe kulturën ruse”.

Nëntorin e kaluar, ajo vetë adoptoi një adoleshent nga qyteti i okupuar ukrainas i Mariupolit, pasi tha se ai kishte humbur nënën e tij nga kanceri.

Gjykata Ndërkombëtare ka kërkuar urdhër-arrestin e saj për dëbimin e paligjshëm të fëmijëve dhe transferimin e tyre të paligjshëm nga zonat e okupuara të Ukrainës në Federatën Ruse.

Lvova-Belova tashmë është e sanksionuar nga Bashkimi Evropian nga korriku i 2022.

Reagimi i saj ndaj këtij lajmi ishte ironik.

“Është fantastike që komuniteti ndërkombëtar e ka vlerësuar punën për të ndihmuar fëmijët e vendit tonë, që nuk i lëmë në zona lufte, që i nxorrëm jashtë, që u krijuam kushte të mira dhe i rrethuam me kujdesin e njerëzve të mirë”, janë fjalët e saj.

Komisionerja, e qetë nga mosnjohja e Moskës së vendimeve të GJNP-së, siguron se “ajo do të vazhdojë të punojë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.