Tri herë deputet, një herë ministër dhe tani kryetar i Lidhjes Demokratike të Kosovës.
Lumir Abdixhiku, ekonomisti 37 vjeçar, iu bashkua partisë që nga sot mori drejtimin e saj në vitin 2017.
Ai do të jetë në krye të LDK-së në dy vitet e ardhshme dhe është kryetari më i ri në moshë që ka drejtuar ndonjëherë këtë parti.
Ky kuvend zgjedhor i LDK-së ishte i jashtëzakonshëm për shkak të dorëheqjes së Isa Mustafës, ndërsa në verën e vitit 2023 LDK do të zgjedhë kryetarin e ri me mandat të plotë katër vjeçar.
Abdixhiku ka shërbyer si ministër i infrastrukturës në qeverinë e Albin Kurtit, ku në koalicion ishin Vetëvendosje dhe LDK.
Në listën e LDK-së, pas Avdullah Hotit dhe Kujtim Shalës, ai është personi i tretë më i votuar brenda partisë në zgjedhjet e 14 shkurtit.
Në katër vite aktivitet politik – tri herë deputet
Abdixhiku u anëtarësua në LDK në vitin 2017, i cili ishte vit zgjedhor në Kosovë. Ai u zgjodh tri herë radhazi deputet, duke qenë secilën herë në top 5-shen më të votuar të partisë.
Në listën e zgjedhjeve parlamentare të vitit 2017, Abdixhiku radhitej i pesti duke marrë gjithsejtë 28 mijë e 991 vota.
Ndërsa në zgjedhjet e vitit 2019, Abdixhiku është ngritur në listë duke u radhitur si i katërti me gjithsejtë 29 mijë e 531 vota.
Derisa në zgjedhjet e 14 shkurtit partia e tij pësoi rënie, ndërsa ai u radhit i treti në listën zgjedhore, me gjithsejtë 25 mijë e 267 vota.
Vetëm dy ditë pas arritjes së marrëveshjes për koalicion midis Lëvizjes Vetëvendosje dhe Lidhjes Demokratike të Kosovës, më katër shkurt të vitit 2020, Abdixhiku zyrtarisht pati pranuar detyrën e ministrit të Infrastrukturës dhe Transportit.
Karriera akademike – doktor shkence i ekonomisë
Lumir Abdixhiku përfundoi studimet universitare të nivelit bachelor në Universitetin e Prishtinës.
Në vitin 2006 ka marrë titullin magjistër shkence në Universitetin e Staffordshire të Britanisë së Madhe, në fushën e moralit fiskal.
Në vitin 2013 ai ka marrë titullin doktor shkence i ekonomisë, nga Universiteti Staffordshire, pas katër vjetëve hulumtimi e kërkimi në fushën e determinantëve të evazionit fiskal të bizneseve në vendet e tranzicionit.
Abdixhiku gjithashtu ka qenë edhe drejtor ekzekutiv i Institutit “Riinvest”. Ai i është bashkuar Institutit në vitin 2005 dhe që nga atëherë është i angazhuar në disa projekte kërkimore, të avokimit e zhvillimit – në Kosovë dhe jashtë saj.
I lindur më 22 prill 1983 në Prishtinë, Abdixhiku është kryetari më i ri në moshë, që ka drejtuar ndonjëherë LDK-në.
Para tij në krye të partisë ishin: Isa Mustafa, Fatmir Sejdiu dhe themeluesi Ibrahim Rugova.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”