Deputet nga Lëvizja Vetëvendosje, nënkryetar i kuvendit të Kosovës dhe tashmë edhe i zgjedhur si kryeparlamentar i ri në kuvend.
Glauk Konjufca, 40 vjeçari dhe studiuesi i fushës së filozofisë, iu bashkua partisë së Lëvizjes Vetëvendosje qysh në fillimet e saj.
Ai do të jetë kryeparlamentari i kuvendit të Kosovës, për katër vjetët e ardhshme.
Në seancën konstituive të kuvendit të Kosovës, Glauk Konjufca është zgjedhur me gjithsejtë 69 vota për, 33 kundër dhe asnjë abstenim.
Konjufca ka shërbyer si deputet i LVV-së, i cili si i tillë u zgjodh në legjislaturën e IV-të të kuvendit të Kosovës, ndërsa që nga viti 2011 e deri në 2014 ai ishte emëruar si nënkryetar i kuvendit të Kosovës, pozitë këtë që e ushtroi deri më 12 mars të vitit 2015.
Në listën e LVV-së, Glauk Konjufca ishte një ndër personat më të votuar në zgjedhjet e 14 shkurtit.
Aktiviteti politik
Duke qenë i anëtarësuar në LVV që nga fillimi i këtij subjekti politik, Konjufca u zgjodh deputet që nga viti 2010.
Në listën e zgjedhjeve parlamentare të vitit 2017, Konjufca ka arritur t’i marrë rreth 30 mijë vota duke u radhitur si i pesti në listën e Vetëvendosjes.
Ndërsa në zgjedhjet e vitit 2019, Konjufca ka arritur të sigurojë 72 mijë e 155 vota nga numërimi i të gjitha votave të zgjedhjeve parlamentare.
Pas fitores së LVV-së në zgjedhjet e gjashtë tetorit të vitit 2019, ai më propozim të kryetarit të LVV-së, Albin Kurti, u zgjodh kryetar i kuvendit të Kosovës me 75 vota pro, 27 kundër dhe 6 abstenime.
Konjufca ka shërbyer si kryetar i kuvendit të Kosovës deri më tre shkurt 2020 dhe prej tre shkurtit deri më 25 maj 2020 ka qenë Ministër i Punëve të Jashtme në Kosovë.
Derisa në zgjedhjet e 14 shkurtit partia ku bënë pjesë ai, doli si partia e parë, Konjufca arriti t’i sigurojë 200 mijë e 641 vota.
Konjufca ishte edhe anëtar i Komisionit për Zhvillim Ekonomik dhe Komisionit për Punë të Jashtme.
Ai ka përfunduar studimet e Filozofisë në Fakultetin Filozofik, në Universitetin e Prishtinës.
Si studiues në këtë fushë, ka botuar librin “Huti i minervës fluturon në muzg: G.W.F. Hegel”.
Ai u lind më 25 korrik 1981 në Prishtinë, është i martuar dhe është baba i dy fëmijëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Drejtësisë ultimatum Izraelit: Lejo hyrjen e ndihmave humanitare në Gaza
-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë
-
Lavrov: Armenia shkakton kolapsin e marrëdhënieve me Moskën
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë