Kryetarja e Alternativës, që mban pozitën e Shefes së Grupit Parlamentar të Lëvizjes Vetëvendosje, Mimoza Kusari-Lila, ka propozuar që zgjedhjet e reja parlamentare të mbahen më 9 ose 16 shkurt 2025.
Këtë, Kusari-Lila e ka bërë përmes një postimi në Facebook, pas takimit që pasur, së bashku me krerët e tjerë të partive politike në vend, me presidenten Vjosa Osmani.
“Ky diskutim ka një rëndësi të veçantë për shtetin tonë të ri, pasi është hera e parë që nga shpallja e pavarësisë që legjislatura e tetë bashkë me ekzekutivin e përmbyllin një mandat të plotë qeverisës”, shkroi Kusari.
Ajo potencoi se në cilësinë e anëtares së koalicionit qeverisës, ka ritheksuar “gatishmërinë tonë të mëhershme për zgjedhje të parakohshme, nëse do të ketë gatishmëri dhe unitet të plotë nga opozita, gjë që nuk u dëshmua se u arrit nga ta”.
“Ndërsa, sa i përket datës së zgjedhjeve të rregullta, deklarova se tradicionalisht, muaji janar, si muaji më i ngarkuar i vitit pas festave të fundvitit, nuk është i përshtatshëm. Rrjedhimisht, datat 9 ose 16 shkurt, do të mund të ishin shumë më të favorshme për mbarëvajtje të fushatës parazgjedhore dhe procesit zgjedhor”, shtoi.
Deputetja Kusari-Lila pohoi se subjekti politik që ajo drejton mbetet “e përkushtuar në avancimin e agjendës liberale progresive dhe dinamizimin e agjendës zhvillimore të shtetit”.
Ndryshe nga Kusari-Lila, partitë opozitare – Lidhja Demokratike e Kosovës, Partia Demokratike e Kosovës dhe Aleanca për Ardhmërinë e Kosovës – kanë propozuar që 26 janari të jetë data për zgjedhjet e reja parlamentare.
Subjekti më i madh politik në vend, Lëvizja Vetëvendosje, nuk mori pjesë në takimin e thirrur nga presidentja.
Nga kjo parti kishin propozuar që Glauk Konjufca, nënkryetari i VV-së, njëherit Kryetar i Kuvendit, të jetë përfaqësues i tyre, për shkak të “angazhimeve” të kryetarit Albin Kurti, mirëpo presidenca ka refuzuar atë për shkak se takimi ka qenë i thirrur vetëm për kryetarët e partive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel