Kurti sulmon Kushtetuesen pas vendimit për Ligjin për Byronë: Zgjodhi ta vonojë ndjekjen e krimit

Kryeministri i Kosovës, Albin Kurti, duke folur për vendimin e Gjykatës Kushtetuese sa i përket Ligjit për Byronë për Konfiskimin e Pasurisë së Paligjshme, e cila e shpalli anti-kushtetues, ka thënë se me këtë vendim, Kushtetuesja ka zgjedhur që ta vonojë ndjekjen e krimit.

Këto komente, Kurti i ka bërë në mbledhjen e qeverisë të premten, dy ditë pas vendimit të Kushtueses për Ligjin për Byronë.

“Zgjodhi kësisoj të vonojë ndjekjen e krimit, ta vonojë reformën tonë”, tha Kurti.

“Me 5 vota për, në raport me 4 vota kundër Kushtetuesja ka gjetur se Kushtetuta është shkelur me Ligjin për Byronë për Konfiskimin e Pasurisë së Paligjshme, duke treguar kështu që Kushtetuta ndryshe shihet nga gjysma e gjyqtarëve në raport me gjysmën tjetër”, shtoi.

Kryeministri kritikoi Kushtetuesen edhe për kohën e gjatë (1 vjet e 4 muaj) që u është dashur për të sjellë vendimin për Byronë, “ende të pa publikuar e të paqartë”.

“Uroj që nuk do t’i duhen edhe katër muaj të tjerë që ta publikojë aktgjykimin”, ironizoi ai.

Ndërkohë, ai kërkojë nga Ministria e Drejtësisë që menjëherë të fillojë me ndryshimet dhe të procedojë me urgjencë në qeveri.

“Drejtësia duhet të bëhet, drejtësi duhet të ketë, drejtësi do të ketë”, potencoi.

Gjykata Kushtetuese e Kosovës e ka shpallur antikushtetues edhe Ligjin për Byronë Shtetërore për Verfikimin dhe Konfiskimin e Pasurisë së Pajustifikueshme, pasi ka gjetur plotë 10 pika në kundërshtim të plotë me Kushtetutën e Kosovës.

Ndryshe, më 26 qershor, Gjykata Kushtetuese e Kosovës e ka shpallur antikushtetues edhe Ligjin për Byronë Shtetërore për Verfikimin dhe Konfiskimin e Pasurisë së Pajustifikueshme, pasi ka gjetur plotë 10 pika në kundërshtim të plotë me Kushtetutën e Kosovës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.