Kurti në BBC: Srukturat paralele të “botës serbe” o’ të kthehen në Serbi, o’ të arrestohen në Kosovë
Kryeministri i Kosovës, Albin Kurti, në një intervistë për transmetuesin britanik “BBC” mëngjesin e së dieles, ka insistuar se kryetarët e tri komunave veriore të ushtrojnë funksionin e tyre në zyrat e objekteve komunale atje, ndëra njoftoi se është i gatshëm të pajtohet për rizgjedhje në veri.
Kurti tha se do të pajtohej me zgjedhje të reja në veri të Kosovës – Leposaviq, Zveçan, Zubin Potok dhe Mitrovicë e Veriut – pas tensioneve të fundit atje. Por me një kusht: protestuesit serbë o’ të kthehen në Serbi, o’ të arrestohen në Kosovë.
“Në këto tri komuna kemi tre objekte komunale – publike dhe zyrtare – dhe nëse jo kryetarët e komunave, kush duhet të jetë aty? Nëse këto ndërtesa nuk janë për kryetarët, atëherë për kë duhet të shërbejnë? Kryetarët janë në zyrën e tyre dhe kjo është si duhet të jetë dhe të qëndrojë”, tha fillimisht Kurti.
“Ne mund të reduktojmë forcat policore, por së pari, regjimi i dhunshëm që plagosi dhe lëndoi policët tanë, gazetarët dhe ushtarët tanë të NATO-s, duhet të kthehen ose në Serbi ose në burg. Unë nuk mund të bëj kompromis me Republikën demokratike”, shtoi kryeministri.
Ai kujtoi se serbët në Kosovë janë veç 4 për qind e popullsisë dhe kanë dukshëm më shumë të drejta sesa pakicat e tjera – romët, goranët, ashkalinjtë, egjiptianët, boshnjakët dhe turqit – për të cilët pretendoi se po neglizhohen nga komuniteti ndërkombëtar.
“Shqiptarët janë 93 për qind e popullsisë sonë dhe ne kemi pakica të tjera të cilat janë të neglizhuara nga komuniteti ndërkombëtar – romët, goranët, ashkalinjtë, egjiptianët, boshnjakët dhe turqit – dhe unë punoj me ta po ashtu”, pohoi kreu i ekzekutivit.
“Dikur ka pasur struktura paralele të Serbisë, por ato janë struktura ilegale në listën e pagave të Beogradit që duan të destabilizojnë vendin tonë në kuadër të idesë së Beogradit për krijimin e ‘botës serbe’ ku doktrina kryesore është territoriale, etno-nacionaliste. Ne e kundërshtojmë atë”.
Shefi i qeverisë është pyetur edhe për qëndrimet e komunitetit ndërkombëtar lidhur me vendimet e tij. Ai ka thënë se Kosova i konsideron Shtetet e Bashkuara, Bashkimin Evropian dhe Mbretërinë e Bashkuar si “aleatë të domosdoshëm që ua ka borxh çlirimin dhe pavarësinë”.
Komuniteti ndërkombëtar ka paralajmëruar pasoja për Kosovën, pas përplasjes së serbëve të veriut me policinë, e cila të premten e 26 majit, me vendim të njëanshëm të kryeministrit Kurti, realizoi aksionin për t’ua mundësuar qasjen në zyra kryetarëve të rinj në Leposaviq, Zubin Potok dhe Zveçan.
Shtetet e Bashkuara të Amerikës dhe vendet tjera partnere të QUINT-it – Gjermania, Franca, Italia dhe Britania e Madhe – e kanë bërë ekskluzivisht fajtore Qeverinë e Kosovës dhe kryeministrin Kurti për tensionimin e situatës në veriun e vendit të banuar me serbë etnikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Xhaferi: T’i tregojmë botës që s’jemi ne që bëjmë probleme, dilni votojeni “Frontin Evropian” më 8 maj
-
Vladimir Putin shkuli zemrën e një dreri për t’ia dhënë Silvio Berlusconit
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit