Kurti në 100-vjetorin e zgjedhjes së Fan Nolit kryeministër: Një patriot që u përpoq ta orientonte drejt Shqipërinë
![](https://albanianpost.com/wp-content/uploads/2024/02/albin-kurti-3-2.png)
Kryeministri i Kosovës, Albin Kurti, nëpërmjet një postimi në “Facebook” të dielen, derisa përkujtoi 100-vjetorin e zgjedhjes së Fan Nolit kryeministër i Shqipërisë, vlerësoi se përkundër kohës së shkurtër në krye të shtetit shqiptar dhe përplasjeve të asaj kohe, ai dha shembullin e një burrështeti që u përpoq ta orientonte drejt Shqipërinë si një vend që do të demokratizohej.
“Për fat të keq, përpjekja e tij ishte e para në atë periudhë fillesh të shtetndërtimit shqiptar dhe mbeti e tillë deri në dekadën e fundit të shekullit. Pas largimit të Nolit nga zyra e kryeministrit, për Shqipërinë do të niste një periudhë e gjatë pushtetesh autoritare dhe diktatoriale”, theksoi kreu i ekzekutivit, derisa e kujtoi Nolin si njeri të përkushtuar për shqiptarizmën.
“Eruditi Theofan Stilian Noli, do të jetonte edhe dyzet vjet të tjera deri më 1965, duke e ndërtuar një profil mbresëlënës prej dramaturgu e poeti, teologu e studiuesi, përkthyesi poliglot, politikani patriot e njeriu të përkushtuar për shqiptarizmën”, shtoi ndër të tjera kryeministri Kurti, duke cituar Nolin nga një artikull që e botoi në Gazetën “Dielli” pak pas largimit nga Shqipëria.
Duke folur për ardhjen në pushtet të Nolit në qershor të vitit 1924, kryeministri Kurti vlerësoi se qeveria revolucionare e Nolit nuk arriti t’i realizonte reformat e synuara, posaçërisht sepse Noli qëndroi në detyrën e kryeministrit vetëm gjashtë muaj, kryesisht për shkak të presionit të liderit politik të atyre viteve, Ahmet Zogu, i cili u rikthye në pushtet përmes forcës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
BE-ja thotë se s’e ka marrë ende raportin e Kosovës për terrorizmin e 24 shtatorit
-
Motra e qiradhënësit të Albin Kurtit, e para në listë për Kryeshefe të KPM-së
-
Vuçiç: Jam plotësisht i përkushtuar për dialogun me Kosovën
-
Ekskluzive: Raportimi i Albanian Post, Prokuroria Speciale nis hetimin për faljen ilegale të borxheve për ambalazhuesit e ujit
Lajmet kryesore
-
Ekskluzive: Raportimi i Albanian Post, Prokuroria Speciale nis hetimin për faljen ilegale të borxheve për ambalazhuesit e ujit
-
Apeli vulos fatin e Belerit, dënohet me dy vjet burg
-
Në Evropë gjithçka është kundër të gjithëve: “Ka mungesë besimi”
-
Lajçaku fajëson opozitën dhe mediat në Kosovë e Serbi që Kurti e Vuçiçi s’e zbatuan Marrëveshjen e Ohrit