Kryeministri i Kosovës, Albin Kurti, ka lavdëruar punën gjatë qeverisjes së tij duke thënë se për tri vjet është shënuar progres në shumë drejtime.
Kurti përmes një shkrimi në platformën ‘X’ ka thënë se fillimisht e kanë mbështetur punësimin e të rinjve përmes platformës “SuperPuna”.
“51% e të rinjve të punësuar përmes platformës sonë SuperPuna (SuperJob) të sponsorizuar nga qeveria, së bashku me 55% të përfituesve të masës sonë të punësimit për familjet janë gra. Ne kemi mbështetur vende pune për mbi 12 mijë gra në tre vitet e fundit”, ka shkruar Kurti.
Sipas tij, ndikim pozitiv në qeverisja e tij ka pasur edhe tek gratë, ku më shumë se 100 mijë kanë hapur llogaritë e para bankare.
There can't be social equality without gender equality. That's why our social democratic Government is constantly working to improve opportunities for women and girls, in both the public and private sectors.
So far:
🔹51% of young people employed via our government-sponsored…
— Albin Kurti (@albinkurti) July 21, 2024
“Mbi 55 mijë gra kanë përfituar për herë të parë nga shtesat tona të lehonisë. Në tre vitet e fundit ne kemi financuar mbi 4600 bursa universitare për gra dhe vajza në STEM. Ata tani përbëjnë 50% të studentëve në fushat STEM në Universitetin e Prishtinës – një arritje e jashtëzakonshme e barazisë gjinore në fushat tradicionalisht të dominuara nga meshkujt”, ka deklaruar Kurti.
Përveç kësaj, ai ka theksuar se kanë ofruar praktika dhe bursa për gratë në energji.
“Numër rekord i grave në pozita vendimmarrëse në institucionet publike, përfshirë ndërmarrjet publike, në të cilat kemi katërfishuar (nga 10% në 45%) peshën e grave në bordet e drejtorëve”.
“Arsimi, punësimi, përfaqësimi, mirëqenia dhe pavarësia financiare janë shtyllat kryesore të barazisë sociale dhe gjinore. Jemi krenarë që nën udhëheqjen e Qeverisë sonë, këto shtylla janë më të forta se kurrë”.
Po ashtu Kurti, deklaratat duke fajësuar qeverisjet e kaluara për punët e lëna në gjysmë në të kaluarën e që tashmë nuk ka arritur t’i përfundoj as ai i ka të shpeshta, megjithatë ai thotë se asnjëherë s’krahasohen me atë që kanë bërë qeverisjet e kaluara, por krahasimin e bëjnë me punën e tyre ndër vite.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
