Lajme

Kurti e Vuçiç kishin marrëveshje të fshehtë për heqjen e barrikadave, thotë Krasniqi


“Kryeminstri i Kosovës, Albin Kurti ka pasur marrëveshje të fshehtë me presidentin e Serbisë Aleksandër Vuçiç, për heqjen e barrikadave duke u pajtuar me lirimin e të akuzuarit për terrorizëm Dejan Pantiç”.

Kështu tha kryetari i Partisë Demokratike të Kosovës, Memli Krasniqi, gjatë një konference për media, derisa ka theksuar se Kosova është duke kaluar në një prej momenteve më të brishta që është prej është shpallur shtet i pavarur.

“Ajo që është evidente tashmë është fakti që papjekuria e Kurtit dhe qasja e gabuar me partnerët ndërkombëtar e kanë sjellë në një situatën të padëshirueshme vendin tonë, ku presidenti i Serbisë nga Rashka na tregon se si e çka do të ndodh në territorin e Kosovës në Veri”, tha Krasniqi.

Sipas tij, “kjo është e pashembullt dhe pa precedent dhe nuk ka ndodhur kurrë në historinë e shtetit të Kosovës”.

“Fakti që presidenti Vuçiç vendos se kur mund të ketë lëvizje të lirë në Veri është fakt që duhet ta shqetësojë kryeministrin e këtij vendi. Bandat e Vuçiç-it e kanë mbajtur peng shtetin dhe sovranitetin e Kosovës në Veri”.

Po ashtu Krasniqi ka theksuar se “kjo qeveri është pajtuar t’i amnistojë kriminelët që kanë qëlluar që kanë qëndruar prapa barrikadave”.

“Ka negociata të fshehta, kjo është evidente tashmë. Nuk ka ndodh rastësisht që të vendoset për heqjen e barrikadave”, shtoi ai.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore