Kryeministri i Kosovës, Albin Kurti dhe presidenti i Serbisë, Aleksandar Vuçiç, do të takohen më 26 qershor.
Lajmi është konfirmuar nga zëdhënësi i Bashkimit Evropian, Peter Stano, për Radio Evropën e Lirë i cili ka thënë se dialogu do të ndërmjetësohet nga përfaqësuesi i lartë i bllokut për politikë të jashtme dhe siguri, Josep Borrell.
Që nga shtatori s’ka pasur takim mes Kurtit dhe Vuçiç-it ndërsa për mbajtjen e rundit të ri të dialogut është rënë dakord gjatë vizitave që Lajçaku zhvilloi në Kosovë të martën dhe në Serbi të mërkurën.
I deleguari i Bashkimit Evropian për dialogun, Miroslav Lajçak, pas takimit të martën para gazetarëve ka thënë se me kryenegociatorin kosovar kanë diskutuar për nevojën e përshpejtimit të implementimit të Marrëveshjes së Brukselit/Ohrit.
“Arsyeja e vizitës ishte diskutimi se si të rifokusohemi në procesin e normalizimit të marrëdhënieve mes Kosovës dhe Serbis. Ne e kemi një marrëveshje, duhet ta përshpejtojmë implementimin e saj, kjo është çështja parë që e kemi diskutuar sot me Bislimin”, kishte thënë ai.
Çështja e dytë që u diskutua në takim me Bislimin, sipas Lajçak, ka qenë Plani i Rritjes së BE-së për Ballkanin Perëndimor.
“Për Kosovën e Serbinë ky disbursim i fondeve është i kushtëzuar me angazhimin konstruktiv në dialog dhe këtu jam unë ai që duhet të bëjë këtë vlerësim për konstruktivitetin. Mu për këtë kemi diskutuar se si të arrijmë te vlerësimi pozitiv”, ka shtuar Lajçak.
Lajçak gjatë prononcimit ka bërë të ditur se i është kërkuar të vazhdojë punën si ndërmjetësues i dialogut Kosovë – Serbi, deri në fund të muajit janar.
Ndërkaq të enjten është raportuar se brenda Bashkimit Evropian nuk ka pajtim për heqjen e plotë të masave ndëshkuese ndaj Kosovës të vendosura para një viti, por si kompromis pritet që këto masa të hiqen pjesërisht dhe gradualisht.
Shumica e vendeve anëtare të BE-së kanë qenë pro heqjes së plotë të masave, siç ka rekomanduar kryediplomati evropian, Josep Borrell, në raportin që ua dorëzoi vendeve anëtare më 18 qershor, lidhur me hapat që ka ndërmarrë Kosova për shtensionim të tensioneve në Veri – të banuar me shumicë serbe.
Në raportin e tij, Borrell ka rekomanduar që Kosovës t’i hiqeshin masat, ndërkaq Prishtina të shfrytëzojë këtë mundësi për të vepruar në mënyrë që të ulen tensionet dhe që të shmangë veprimet e pakoordinuara.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Biserko: Serbia po pret ndryshimin e kontekstit ndërkombëtar, që do t’i shkonte për shtati
-
Kosova dhe Serbia takim në Bruksel javen e ardhshme, në nivel të kryenegociatorëve
-
Kurti i bie pishman në Bruksel për takim me Vuçiç-in: Kërkova garancione
-
Borrell: Kosova s’ishte e gatshme për takim trelateral, Kurti paraqiti tri kushte
Lajmet kryesore
-
Borrell: Kosova s’ishte e gatshme për takim trelateral, Kurti paraqiti tri kushte
-
Gonzato takim me kreun e KLSH-së: Institucioni, rol vendimtar antikorrupsional
-
Rama flet rreth “dashurisë së verbër” për Evropën dhe zbulon nëse Netanyahu do të arrestohej në Shqipëri pas vendimit të GJNP-së
-
Kosova dhe Serbia takim në Bruksel javen e ardhshme, në nivel të kryenegociatorëve