Skuadra e Skënderbeut do të jetë pjesë e turit të tretë të Kupës së Shqipërisë, pasi arriti të eleminonte ballshiotët e Bylisit.
Ndeshja shkoi në shtesë, pas dy barazimeve në të dy ndeshjet. Në takimin e parë të luajtur në Ballsh, sfida përfundoi në shifrat 1-1.
Takimi i kësaj të mërkure në Korçë, përfundoi në shifrat 2-2 në kohën e rregullt. Jorgo Meksi dhe Elvi Berisha shënuan për vendasit. Për miqtë shënoi dy herë Eridon Qardaku.
Ndeshja shkoi në kohën shtesë të 30 minutave. Por, edhe shtesa nuk solli ndryshim të rezultatit. Atëherë skuadrat u drejtuan nga pika e bardhë e penalltisë. Korçarët ishin më të saktë në ekzekutimin e 11 metërshave, teksa fituan në shifrat 4-2.
Në raundin e tretë të Kupës, Skënderbeu do të përballet me Teutën. Ndeshja e parë luhet më 26 janar dhe ajo e kthimit më 9 shkurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
