Kanë përfunduar shtatë ndeshjet e para në Kupën e Shqipërisë. Egnatia, Vllaznia, Laçi, Teuta dhe Partizani kanë arritur të dalin me fitore në sfidën e parë.
Ndeshjet u luajtën për llogari të raundit të dytë në Kupën e Shqipërisë. Ato janë me sistem vajtje-ardhje. Sfidat e kthimit do të luhen më 17 nëntor.
Grupi A
Tri sfida janë luajtur në këtë grup. Teuta ka fituar minimalisht 1-0 në fushën e Korabit.
Edhe për Partizanin ka pasur një fitore minimale 1-0 në transfertë përballë Besëlidhjes.
Në Ballsh, Skënderbeu ka barazuar në shifrat 1-1 me vendasit e Bylisit.
Grupi B
Katër sfida u luajtën në këtë grup. Vllaznia ka triumfuar në transfertë përballë Pogradecit me rezultatin 2-0.
Laçi fitoi minimalisht 1-0 në Berat përballë Tomorit vendas.
Egnatia ka fituar bindshëm në shifrat 3-1 me Kukësin.
Flamurtari dhe Kastrioti kanë barazuar me rrjeta të paprekura.
Sfida e fundit e kësaj të mërkure në Kupë është ajo mes Dinamos dhe Tiranës. Ndeshja e dy skuadrave të Grupit A do të luhet në “Air Albania”, duke filluar nga ora 16:45.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Fitimet e investitorëve të huaj arrijnë rekord në Shqipëri
-
Perëndimi duhet të forcojë mbrojtjen pasi epoka e paqes në Evropë ka përfunduar, thotë Kuleba
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
