Pas dorëheqjes nga pozita e komandantit të Forcës së Sigurisë të Kosovës (FSK), Gjenerallejtënant Rrahman Rama dhe emërimit të gjeneralmajor Bashkim Jasharit në krye të FSK-së, Kryeministri i Kosovës, Albin Kurti ka thënë se Rama do të angazhohet në Qendrën Rajonale të Ndihmës për Verifikimin dhe Zbatimin e Kontrollit të Armëve (RACVIAC) me seli në Kroaci.
Por, çfarë është RACVIAC?
Organizata ka për qëllim nxitjen e dialogut dhe bashkëpunimit për çështjet e sigurisë në Evropën Juglindore.
RACVIAC është themelua në vitin 2000 si Qendra Rajonale e Ndihmës për Verifikimin dhe Zbatimin e Kontrollit të Armëve me qëllim që të ofrojë trajnime për kontrollin e armëve, të promovojë masat e ndërtimit të besimit dhe sigurisë dhe të zgjerojë bashkëpunimin në Evropën Juglindore (EJL).
Me synimin për të rritur stabilitetin rajonal, Qendra ‘RACVIAC’ më vonë kishte zgjeruar fushën e saj të aktiviteteve për të përfshirë një gamë të gjerë çështjesh politiko-ushtarake, duke përfshirë reformën e sektorit të sigurisë dhe bashkëpunimin ndërkombëtar dhe rajonal me fokus në integrimin euroatlantik.
Zhvillimet dhe ndryshimet në mjedisin e sigurisë dhe nevojat në ndryshim të vendeve të EJL-së, kishin bërë të nevojshëm rishikimin e misionit, objektivave dhe strukturës së RACVIAC.
Kjo në vitin 2007 çoi në fillimin e procesit të transformimit të Qendrës, ku u përmbyll me nënshkrimin e një Marrëveshjeje të re për RACVIAC në 2010.
Me Marrëveshjen, e ratifikuar në dhjetor 2011, Qendra fitoi statusin e organizatës ndërkombëtare në pronësi rajonale dhe u riemërua RACVIAC – Qendra për Bashkëpunim në Siguri.
Në këtë organizatë janë të përfshira 29 kombe.
Anëtarë të rregullt të saj janë: Shqipëria, Bosnja dhe Hercegovina, Kroacia, Greqia, Maqedonia e Veriut, Mali i Zi, Rumania, Serbia dhe Turqia.
Anëtarë të asociuar janë të gjitha vendet e tjera që dëshirojnë të mbështesin dhe kontribuojnë në dialogun dhe bashkëpunimin e sigurisë në EJL si: Austria, Çekia, Danimarka, Franca, Gjermania, Hungaria, Italia, Holanda, Norvegjia, Rusia, Sllovenia, Spanja, Suedia dhe Britania e Madhe.
Kurse anëtarë vëzhgues janë shtetet, institucionet ose organizatat e tjera, të cilat mund të marrin pjesë në aktivitetet e RACVIAC si vëzhgues. Aktualisht janë: Kanadaja, Moldavia, Polonia, Sllovakia, Ukraina dhe SHBA-të.
Në mbledhjen e mbajtur më 10 tetor të vitit 2014, Republika e Kosovës ishte ftuar të marrë pjesë në baza të përhershme, në të gjitha nivelet dhe në kushte të barabarta në të gjitha aktivitetet dhe takimet e RACVIAC & MAG, por me fusnotë (*).
Këto zhvillime ndodhën pasi, javën e shkuar, Albanian Post kishte raportuar se kishte dy muaj që po përgatitej shkarkimi i gjenerallejtënant Ramës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Cilët janë katalizatorët që do ta ndezin fushatën e partive politike ndërsa nis sezoni zgjedhor në Kosovë?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë
-
Rusia pëson sërish disfatë në OKB, dështon seanca për Kosovën
-
Abdixhiku: Për çdo ditë pune për tre vjet, qeveria dha nga një tender sekret – plot 209 milion euro
Lajmet kryesore
-
Zgjerimi i BE-së: Sa afër anëtarësimit janë nëntë vendet kandidate?
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë