![](https://albanianpost.com/wp-content/uploads/2023/04/kuvendi-i-kosoves-nder-me-te-transparentet-ne-rajon_6399e86109765.jpeg)
Instituti Demokratik i Kosovës (KDI), ka kritikuar Qeverinë e Kosovës për mos-mbajtjen e asnjë seance në Kuvend, pasi që kryetari Glauk Konjufca, është në vizitë zyrtare në Shtetet e Bashkuara të Amerikës.
Në monitorimin e punës së Kuvendit që bën KDI-ja ka thënë se janë miratuar dhjetëra projektligje në komisione.
“Kuvendi nuk mbajti asnjë seancë këtë javë, ndërsa komisionet miratuan dhjetëra Projektligje të cilat pritet të shqyrtohen në seancat e radhës”, është thënë nga ky institut.
Tutje, nga KDI-ja janë bërë të ditura edhe mbledhjet e komisioneve që janë mbajtur gjatë javës.
“Komisioni për Ekonomi organizoi një dëgjim publik për projektligjin për burimet e ripërtërishme të energjisë dhe një dëgjim mbikëqyrës lidhur me zbatimin e Ligjit për tregti me jashtë”.
“Në komisionet tjera u votuan 13 projektligje në fusha si përfaqësimi i institucioneve në arbitrazh, konfliktet administrativ, shërbimet sociale dhe familjare, liria e Asociimit, metrologjia për letërnjoftime”.
Po ashtu, është miratuar edhe një ligj raport i mbikëqyrjes për zbatimin e ligjit për shpifje.
“Para komisionit për administratë raportoi kryesuesi i KGJK-së, Albert Zogaj, lidhur me raportimin e auditimit për pasqyrat financiare të KGJK-së për vitin 2022, i njëjti nuk u miratua”.
“Një mbledhje e ka mbajtur edhe komisioni hetimor i sapoinformuar për rezervat shtetërore, mirëpo përmbledhje nga ky takim nuk është raportuar në faqen e Kuvendit”.
Edhe në të kaluarën Kuvendi ishte kritikuar për mungesë të seancave të Kuvendit dhe për mos miratim të marrëveshjeve ndërkombëtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet