Kryeministri i Belgjikës, Alexander De Croo, mbrëmjen e së shtunës pati një surprizë të pakëndshme kur humbi ndjenjat për disa minuta si pasojë e rënies nga një biçikletë, por mjekët nuk kanë konstatuar ndonjë kërcënim serioz për shëndetin e tij.
Këtë e raporton agjencia belge e lajmeve Belga.
Incidenti ndodhi kur de Croo ishte duke ecur me biçikletë me djalin e tij vonë të shtunën në mbrëmje pranë shtëpisë së tij në Flanders.
Ai u dërgua në spital për ekzaminim, por aty nuk u konstatuan lëndime të rënda.
Të dielën, de Croo publikoi një apel në rrjetet sociale, ku falënderoi mjekët për ndihmën e dhënë dhe siguroi se është në shtëpi dhe është mirë.
“Për fat të mirë, unë kisha një helmetë dhe djali im thirri 911. Sporti është i mirë për shëndetin. Por ndonjëherë duhet të jesh pak më i kujdesshëm”, tha ai.
Zyra e kryeministrit belg raportoi se incidenti nuk do të ndikojë në orarin e tij të punës për javën e ardhshme dhe ai do ta kalojë të dielën në shtëpi për të pushuar.
Kujtojmë se pak ditë më parë presidenti amerikan Joe Biden ra në skenë gjatë ceremonisë së diplomimit në Akademinë e Forcave Ajrore në Colorado.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më
-
Mehaj: Për 25 vite institucionet kanë bërë një punë modeste në argumentimin dhe ndriçimin e gjenocidit serb