Krijohen panelet e parë diellorë transparent


4 ditë · Botë

Kompania evropiane “Physee” ka arritur të prodhojë dritaret e para që shërbejnë si panele diellore.

Teknologjia në fjalë e pati fillesën pas një rezultati të botuar në revistën shkecore “Journal of Power Sources”.

Studimi tregoi se tashmë mund të krijohen qelizat e para diellore transparente.

Qelizat do të shërbejnë në përdorimin e mëtejshëm të energjisë diellore si katalizator energjie.

Hulumtimi në fjalë është kryer në Korenë e Jugut. Ai u zbulua falë përdorimit të dy materialeve gjysmëpërçuese të afta për të kapur dritën dhe për t’a shndërruar atë në rrymë elektrike.

Konkretisht bashkëveprimi ndërmjet dioksidit të titaniumit dhe oksidit të nikelit ka mundësuar krijimin e qelizave transparente në fjalë.

Një aftësi tjetër e kësaj teknologjie është bllokimi i depërtimit të rrezeve të rrezikshme ultraviolet.

Deri më tani, dritaret përbëjnë një model pajisjeje në të cilin implementimi i qelizave po gjen funksionalitet.

“Power Window” pritet të jetë produkti i parë i kompanisë “Physee”. PowerWindow do të përdor panele diellorë të vegjël të instaluar përgjatë skajeve të dritareve.

Dritaret diellore nuk janë ende në gjendje të ofrojnë një burim të pavarur të energjisë për ndërtesat, por kompania ka deklaruar se po punon për përmirësime sa më të shpejta.

Kompania ka prezantuar gjithashtu “SmartSkin”, një produkt që pret të lançojë në të ardhmen. “SmartSkin” është një xham që transformon dritën në energji, i cili mund të punojë në mënyrë autonome për të kuptuar, fuqizuar dhe rregulluar klimën brenda ndërtesës.

Mbetet për t’u thënë se qelizat diellore transparente pritet të përfaqësojnë të ardhmen e teknologjisë së paneleve diellorë./AlbanianPost.com

 



Lajmet kryesore