Krerët opozitarë kosovarë kanë uruar qytetarët e besimit islam festën e Kurban Bajramit.
Kryetari i Partisë Demokratike të Kosovës, Memli Krasniqi, ka vizituar Bashkësinë Islame në Prishtinë me rastin e festës së Kurban Bajramit.
Pas takimit me myftiun Naim Tërnava, Krasniqi ka deklaruar se duhet qenë sa më pranë njëri-tjetrit e të bëhen punë të mira për vendin.
Ai po ashtu ua ka uruar festën e Kurban Bajramit ish-eprorëve të UÇK-së që gjenden të paraburgosur në Gjykatën Speciale në Hagë.
“Shpresoj e uroj që të marrim shembull të gjithë nga kjo festë, nga shembulli i kësaj feste, i kësaj dite të shënuar, që të jeni sa më pranë njëri-tjetrit e të bëjmë punë të mira për vendin tonë”.
Në anën tjetër kryetari i Lidhjes Demokratike e Kosovës, Lumir Abdixhiku, përmes një postimi në rrjetin e tij social në Facebook, ka theksuar se Kurban Bajrami gjithmonë ka qenë ditë e rëndësishme reflektimi për sakrificën, durimin dhe dhembshurinë njerëzore.
“Le të kujtojmë se solidariteti dhe vullneti për të ndarë të mirat me të tjerët në vështirësi e nevojë janë vlera të çmuara njerëzore tonat. Derisa i manifedtojmë ato nën qiellin e Krijuesit, le të përpiqemi që të jemi më të mirë, më të ndershëm, më të kujdesshëm. Dhe në këtë rrugëtim tonin, le të ndërojmë një vend e shoqëri të shëndoshë e solidare”.
Festën e Kurban Bajramit e ka uruar edhe kryetari i Aleancës për Ardhmërinë e Kosovës, Ramush Haradinaj.
“Në prag të festës së Kurban Bajramit, u përcjell urimet më të përzemërta Bashkësisë Islame të Kosovës, myftiut Naim Tërnava si dhe të gjithë shqiptarëve myslimanë kudo që jetojnë!
Uroj që gëzimi dhe begatia të mbizotërojnë në familjen e gjithsecilit!”, ka shkruar ai në rrjetin e tij social në Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet