Krasniqi paralajmëron mbylljen e komunave paralele në Graçanicë e Skenderaj: S’ka vend për institucione të Serbisë
Ministri i Administrimit të Pushtetit Lokal, Elbert Krasniqi, ka paralajmëruar mbylljen e komunave paralele të Serbisë në Graçanicë dhe Skenderaj, pasi që ka thënë se nuk ka vend për institucione paralele serbe në territorin e Kosovës.
Këto komente, Krasniqi i ka bërë në një intervistë për “T7”, pas mbylljes së pesë ndërtesave të komunave ilegale serbe në katër komunat Veriore të Kosovës – Leposaviq, Zveçan, Mitrovicë e Veriut dhe Zubin Potok – për çka qeveria u kritikua ashpër nga bashkësia ndërkombëtare.
“Nuk ka vend për institucione paralele të Serbisë në territorin e Kosovës”, tha Krasniqi.
Sa i përket mbylljes së komunës paralele në Graçanicë – komunë e banuar me shumicë serbe në afërsi të Prishtinës – ministri nuk dha një datë konkrete, por vetëm insistoi se e njëjta do të mbyllet.
“Nuk e di me datë se kur do mbyllet, por mund të iu them që ajo do të mbyllet. Një zyre paralele është edhe dikund në Skenderaj – edhe ajo do të mbyllet. Cka dua të them është se pas rajonit të Prizrenit kur janë mbyllë disa komuna në Dragash, asaj në Klinë, Pejë e Istog radha ka ardhur të këto katër komunat Veriore dhe te Qarku i Mitrovicës”, shtoi.
Që të gjitha do të mbyllen për shkak se, siç potencon Krasniqi, “në territorin e Kosovës nuk ka mundësi të ekzistojë një komunë paralele”.
“Ne kemi një Kushtetutë, ka ligje, është ligji për vetëqeverisje lokale i cili përcakton se si formohet një komunë, si duhet të funksionojë një komunë dhe çfarë duhet të përmbajë një komunë”.
E këto që janë duke u mbyllur e do të mbyllen, ai pohoi se janë në kundërshtim me Kushtetutën, ligjet dhe “do të mbyllen që të gjitha”.
Më 30 gusht, Policia e Kosovës kishte ndërmarrë një aksion për mbylljen e pesë objekteve të komunave paralele serbe në Veri të vendit.
Ky aksion ishte kritikuar ashpër nga bashkësia ndërkombëtare, madje ambasada e Shteteve të Bashkuara të Amerikës në Prishtinë, kishte akuzuar qeverinë se po e “instrumentalizon” policinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti në Bruksel kërkon që të hiqen masat e BE-së ndaj Kosovës
-
Von der Leyen pret liderët e BP-së: Të gjashtë vendet i përkasin Evropës
-
PSD: Kurti dhe Sveçla janë bashkëpunëtorë të Vuçiç-it sipas kritereve që kanë vendosur për Urën e Ibrit
-
Fidan: Të kesh marrëdhënie vëllazërore me Kosovën është obligimi ynë historik
Lajmet kryesore
-
Në një Shtet ku Ligji Humb Midis Fushës dhe Korrupsionit: Komedia e Errët e Futbollit të Kosovës
-
Von der Leyen pret liderët e BP-së: Të gjashtë vendet i përkasin Evropës
-
Shkon në 37 numri i viktimave nga vala e dytë e shpërthimeve në Liban
-
Kurti në Bruksel kërkon që të hiqen masat e BE-së ndaj Kosovës