Krapi i mbushur me perime përgatitet lehtë dhe nuk ka pse të mos e përgatisni në rastin e parë.
Krapi i mbushur me perime është një pjatë e thjeshtë dhe e shijshme e cila nuk do t’ju marrë shumë kohë.
Përbërësit:
1.5 kg krap i pastruar
400 gr presh
150 g qepë
350 gr karota
2 thelpinj hudhër
1 limon
50 ml vaj (ulliri ose luledielli)
100 ml verë të bardhë
Piper për shije
1 degë rozmarinë
Përgatitja:
Pritini krapin dhe pastrojeni nga të dyja anët. Mbushni peshkun me feta limoni në vendin ku e keni prerë dhe vendoseni në një tepsi me letër furre.
Që krapi të mos ngjitet në tepsi, lagni letrën e pjekjes me pak ujë. Qëroni karotën, grijeni imët qepën, preshin, hudhrat, e rregulloni sipas shijes, hidhni gjysmën e vajit, shtoni rozmarinën e prerë në degëza më të vogla, përzieni dhe rregulloni rreth peshkut. Hidhni verën dhe pjesën tjetër të vajit mbi peshkun dhe perimet dhe rregulloni sipas shijes.
E mbulojmë tavën me letër alumini dhe e pjekim në furrë të parangrohur në 200 gradë për rreth 35 minuta. Më pas hiqeni nga furra, ulni temperaturën në 180 gradë, hiqni letrën dhe kthejeni në furrë për 5-10 minuta të tjera deri në kafe të artë.
Si pjatë shtesë mund të shërbeni oriz të zier ose patate të pjekura.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
