Komisioni Qendror i Zgjedhjeve (KQZ), ka nisur shpërndarjen e materialit kryesor mes tyre edhe fletëvotimet për zgjedhjet e raundit të dytë që do të mbahet me 14 nëntor të dielën.
Nga zyrat qendrore të Qendrave të numrimit dhe rezultateve (QNR), nën përcjelljen e Policisë së Kosovës, materialet do të i dërgoj në depot e komisionarëve në 21 komuna.
Zëdhënësi i Komisionit Qendror të Zgjedhjeve (KQZ), Valmir Elezi, bëri të ditur se në zgjedhjet për kryetarë të komunave janë shtypur 1 milionë e 136 mijë e 150 fletëvotime.
“Ky material i rëndësisë së veçantë, nën përcjelljen e Policisë së Kosovës, është dërguar në depot e komisioneve komunale të, në 21 komuna ku do të mbahet raundi i dytë i zgjedhjeve për kryetarë të komunave”,deklaroi Elezi në konferencë për media.
“Sipas vendimit të KQZ-së, për Zgjedhjet për Kryetarë të 21 Komunave janë shtypur 1 milion e 136 mijë e 150 fletëvotime”, deklaroi Elezi.
Ndërsa, theksoi që edhe për këto zgjedhje janë shtypur më pak fletëvotime.
“Edhe për këto zgjedhje, janë shtypur më pak fletëvotime, rreth 10% apo rreth 125 mijë fletëvotime më pak se numri përgjithshëm i votuesve që u takojnë këtyre 21 komunave. Kjo është një praktikë e ndjekur edhe në proceset e kaluara zgjedhore”.
Elezi u shpreh se janë rreth 2 mijë e 450 persona me nevoja të veçanta, që pritet të votojnë të dielën, e për të cilët janë angazhuar 80 ekipe mobile.
“Komisioni Qendror i Zgjedhjeve (KQZ), do të angazhojë 80 ekipe mobile, numri i qytetarëve të regjistruar si votues me nevoja të veçanta është rreth 2 mijë e 450, prej të cilëve rreth 1 mijë e 550 janë votues të cilët nuk mund të dalin nga shtëpitë e tyre për shkak të paaftësisë fizike apo shëndetësore”.
Ai deklaron se janë edhe “899 votues të cilët janë në hospitalizim në shtëpitë e caktuara për të moshuar, të burgosurit edhe të paraburgosurit”.
Mundësi të votimit do të ketë edhe për personat të cilët janë të infektuar me COVID-19.
“Komisioni Qendror i Zgjedhjeve (KQZ) do të mundësojë votimin e qytetarëve të cilët fatkeqësisht janë të infektuar me COVID-19 dhe që për shkak që masave nuk mund të dalin nëpër vendvotime për të votuar”, shtoi Elezi.
Në zgjedhjet lokale të mbajtura gjatë ditës së diel të 17 tetorit, nga numri i përgjithshëm i 38 komunave të Kosovës, 17 komuna kanë shënuar fitore, ndërsa 21 komuna shkojnë në raundin e dytë të zgjedhjeve
Komunat të cilat kanë shënuar fitore duke mos shkuar fare në balotazh janë Deçani, Mitrovica Jugore, Leposaviçi, Lipjani, Novebërda, Peja, Shtërpca, Suhareka, Ferizaj, Zubin Potoku, Zveçani, Hani i Elezit, Graçanica, Ranillugu, Parteshi, Mitrovica Veriore dhe Skenderaj. Që një kandidat të fitojë pa balotazh i duhen 50 për qind plus një votë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Qeveri e korruptuar; shkoni në shpi; të krijohet Komision Hetimor Parlamentar” – Reagime të shumta pas raportimit të AP-së për hajninë multi-milionëshe të Liburn Aliut dhe Naser Hafizit
-
Këshilli i Investimeve: Informaliteti më i lartë se në vitin 2019, ligji për të ardhurat do ta rrisë më tej
-
Sulme të pandëshkuara të kolonëve kundër palestinezëve dhe ndërtime të reja në Bregun Perëndimor
-
Çështja dinari: Bislimi e Petkoviç për herë të katërt takohen në Bruksel