Kolegji i Posaçëm i Apelimit (KPA) mësohet se ka rikthyer në detyrë prokurorin e Tiranës, Genci Qana.

Qana ka bërë ankesë në KPA pas shkarkimit të tij si prokuror dhe vendimi tani është përfundimtar dhe hyn në fuqi.

Në trupën gjykuese të KPA-së mësohet se kanë qenë Sokol Çomo kryesues, Rezarta Schuetz relatore, Albana Shtylla, Ina Rama dhe Natasha Mulaj anëtare.

Në vitin 2021, ka qenë Komisioni i Pavarur i Kualifikimit (KLP), i cili ka vendosur që të shkarkojë nga detyra prokurorin Qana.

Ai rezultoi si një prej zyrtarëve më të pasur në sistemin e drejtësisë, referuar të dhënave të vetëdeklaruara prej tij në formularët e pasurisë.

Rezultoi pronar i tre apartamenteve, katër makinave, si edhe ka marrë dhurata nga vjehrri i tij, pasuri të paluajtshme që llogariten në vlerën e rreth 120 mijë eurove.

Në deklaratën e pasurisë në vitin 2004, Qana, i cili në atë kohë ushtronte funksionet pranë Prokurorisë për Krime të Rënda, deklaron se ishte pronar i një apartamenti 2+1, blerë në vitin 2001, me vlerë 2 milionë lekë të reja.

Nga viti 2001 deri në vitin 2012, Qana rezulton pronar i tre apartamenteve, dy prej të cilëve të blerë prej tij dhe i treti, me sipërfaqe më të madhe se dy të parët, i dhuruar.