Rezultatet e Testit të Arritshmërisë në Kosovë për klasat e nënta pritet të dalin të hënën.
Këtë e ka bërë të ditur Ministria e Arsimit përmes një njoftimi për media. Sipas MASHTI-it, Testi i Arritshmërisë është realizuar “sipas informatave të para të Komisioneve, çdo gjë ka shkuar sipas planit dinamik të punës dhe nuk është shënuar ndonjë parregullsi e cila do të ndikonte në rezultatet e testit”, thuhet në njoftim e MASHT.
“Nxënësit e klasave të nënta me pikët e arritura do të kenë mundësi të orientohen për në shkollat e mesme, ndërsa për shkak të pandemisë në klasa janë lejuar vetëm nga 15 nxënës”.
Para një jave, Shefi i Divizionit për Vlerësim në Ministrinë e Arsimit, Shkencës, Teknologjisë dhe Inovacionit, Fatmir Elezi në intervistë për Albanian Post pati thënë se “mbi 26 mijë nxënës të klasave të nënta i janë nënshtruar testit të arritshmërisë”.
Testi i Arritshmërisë në Kosovë, është mbajtur në 155 qendra me rreth 2 mijë e 200 klasë, ndërsa të angazhuar janë angazhuar mbi 2 mijë administratorë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Nis takimi trepalësh në Bruksel
-
Mediu i kërkon GJKKO-së të kryhet një akt i ri ekspertimi ekonomiko-financiar për Gërdecin
-
Miqësia ‘pa kufi’ Putin-Xi do të vihet në provë gjatë vizitës shtetërore në Kinë
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri
