Kosovë: Sekuestrimi i gati gjysmë milioni euro, bastisje e arrestime pas aksionit të së mërkurës
![](https://albanianpost.com/wp-content/uploads/2021/02/POLICIA-E-KOSOVES-MINISTRIA.png)
“Në bazë të provave janë bërë bastisje në disa zyre dhe vendbanime të personave ku janë konfiskuar: 433,160.00 euro, 600 dollar, 200 franga, 275 lira turke, 15 telefona, 8 vetura, 1 kompjuter, 5 armë, 1 USB dhe 1 vulë”, thuhet në njoftimin e Policisë një ditë pas aksionit të zhvilluar në disa qytete të Kosovës.
Ndërkohë, me urdhër të prokurorit njëmbëdhjetë zyrtarët e arrestuar janë dërguar në mbajtjes 48-orë, ndërsa njëri nga ta është liruar në procedurë të rregullt.
Aksioni i së mërkurës është zhvilluar nga Departamenti i Krimeve të Rënda, në Ministrinë e Bujqësisë dhe në zyrat e kësaj ministrie në Prishtinë, Lipjan, Istog dhe Gjilan.
Si rezultat i punës që nga janari, Lumezi thaksoi se është arritur në përfundimin që duhet të “zbatohen masa të fshehta të hetimit” dhe se “pas marrjes së urdhrit për bastisjen e disa lokaleve ku dyshohet se mund t’i gjejmë mjetet financiare të përfituara nga vepra penale është bërë bastisja e lokaleve”.
“Në bazë të provave të grumbulluara dhe informacioneve që kemi ky aksion do të zhvillohet edhe në ditët e ardhshme me qëllim që të sigurojmë prova të fuqishme për t’i zhvilluar hetime dhe për të pasur aktakuzë të suksesshme”, theksoi Lumezi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet