Lajme

Kosovë: Katër persona të dyshuar për vjedhje, dëmtim prone dhe lëndime trupore arrestohen nga Policia


Një operacion i Policisë së Kosovës të shtunën ka rezultuar me katër persona të arrestuar si të dyshuar për “Vjedhje e rëndë në tentativë”, “Dëmtim prone” dhe “Lëndim trupor”.

Lajmin e ka konfirmuar për Albanian Post, zëdhënësja e policisë për rajonin e Prishtinës, Flora Ahmeti.

“Sot njësitet policore të Lipjanit, kanë përfunduar një operacion të nisur dje i cili ka rezultuar me arrestimin e katër personave të dyshuar për të cilët kishte urdhëresa të gjykatës”, tha Ahmeti.

“Aksionet janë ndërmarrë në katër lokacione të ndryshme, përkatësisht në fshatin Zllakuqan, Mirenë, Baicë dhe në Janjevë ku janë arrestuar katër persona të dyshuar dhe janë realizuar katër urdhëresa te gjykatës”.

Sipas saj, personat e prangosur janë dërguar në vuatje të dënimit.

“Për personat e arrestuar, kishte urdhëresa aktive të gjykatës për veprat vjedhje e rëndë në tentativë, dëmtim prone dhe dy lëndime trupore. Personat e arrestuar pas përfundimit të procedurave policore, janë dërguar në vuajtje të dënimit”, përfundoi Ahmeti.

Albanianpost.com


Lajmet kryesore