Kosova vazhdon ta ketë energjinë elektrike më të lirën në Ballkan

Në Ballkanin Perëndimor, Kosova kishte energjinë më të lirë për familjet në gjysmën e parë të vitit 2022, ndërsa çmimi ishte më i larti në Mal të Zi, sipas agjencisë statistikore malazeze Monstat.

Çmimet përfshijnë tatimin mbi vlerën e shtuar dhe taksa të tjera.

Çmimi mesatar i energjisë elektrike në Kosovë ishte 6.5 euro cent për kilovat/orë, krahasuar me 9.7 euro cent në Mal të Zi.

Çmimi mesatar në Bashkimin Evropian në të njëjtën kohë ishte 23.5 euro cent, me në krye Danimarkën 34.4 euro cent.

Kurse nga Hungaria u raportua kostoja më e ulët, prej 9.4 euro cent.

Në rajonin e ndjekur nga Balkan Green Energy News, Greqia renditet lart në terma evropianë së bashku me Qipron dhe Rumaninë. Kroacia, Sllovenia dhe Bullgaria janë afër fundit të listës.

Sipas Monstat, çmimi mesatar prej 9.7 eurocent në Mal të Zi i referohet konsumit vjetor prej 5000 deri në 15000 kilovat-orë (kWh).

Shumica e familjeve në vend 56,6 për qind, janë në grup. Për kategorinë ndërmjet 2,500 kWh dhe 5,000 kWh, kostoja ishte pak më e ulët, 9.6 përqind, ajo përbënte 23.5 për qind të familjeve.

Energjia elektrike për konsum nën 1000 kWh ishte më e shtrenjta, 16.1 eurocent vetëm 2.2 përqind e familjeve ishin në këtë kategori.

Fushatat për vetëdijesimin e kursimit të energjisë elektrike në Kosovë

Në vazhdimësi nga Kompania Kosovare për Distribuim me Energji Elektrike në Kosovë (KEDS) janë iniciuar fushata për vetëdijesim për kursimin e energjisë elektrike nga konsumatorët, duke dhënë një varg këshillash se s’i mund të bëhet kjo gjatë përdorimit të dritave për ndriçim, përdorimit të pajisjeve elektrike, makinave për larje të rrobave, të enëve, bojlerit dhe të tjera, në kohën kur tarifa është e ulët.

Qeveria e Kosovës, në muajin gusht kishte miratuar masat emergjente që përfshinin masat e kursimit të energjisë elektrike nga të gjitha institucione, ndalimin e përdorimit të rrymës për mihjen e kritpovalutave dhe mbështetjen e Operatorit të Sistemit të Transmisionit të Tregut (KOSTT), që ky operator të ndërmarrë masat e duhura për të ofruar siguri të sistemit elektro-energjetik.

Ndërsa, në muajin shator, Qeveria e Kosovës i kishte propozuar Kuvendit që të zgjasë masat emergjente për furnizimin me energji edhe për një muaj, me qëllim që të ketë “normalizim të plotë” të gjendjes me rrymë.

Mirëpo, ky propozim nuk ka kaluar në Kuvend.

Qeveria e Kosovës, së fundmi ka thënë se po ndërmerr masat për kursimin e energjisë elektrike.

Gjithashtu ekzekutivi, ka paralajmëruar subvencionimin shtesë për të gjithë ata konsumatorë që kursejnë energjinë elektrike.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.