Kryeministri i Kosovës, Albin Kurti, në kuadër të Samitit të Investimeve për Ballkanin Perëndimor, organizuar nga Banka Evropiane për Rindërtim dhe Zhvillim (BERZH), deklaroi se Kosova udhëheq rajonin sa i përket projektimeve për vitet 2024-2025, ndërsa shtoi se Kosova i dedikohet luftës kundër korrupsion në vijë me Shtetet e Bashkuara dhe Britaninë e Madhe.
“Jemi të dedikuar për rendin, ligjin dhe luftën kundër korrupsionit në vijë me Amerikën dhe Anglinë, si në vlerat politike po ashtu edhe në biznes, posaçërisht pas agresionit rus në Ukrainë”, deklaroi kreu i eksekutivit kosovar në hyrje të fjalimit mbi investimet e huaja në Kosovë.
Duke përmendur përparimin ekonomik dhe stabilitetin institucional, kryeministri Kurti konsideroi se Kosova aktualisht udhëheq Ballkanin Perëndimor sa i përket projektimeve të rritjes për vitet 2024-2025. Ai gjithashtu përmendi avancimet në të drejtat politike dhe civile.
“Kosova udhëheq Ballkanin Perëndimor sa i përket projektimeve në vitet 2024-2025, kemi po ashtu përparime në rend dhe ligj dhe avancime në të drejtat politike, civile dhe demokracinë zgjedhore. Kjo e pozicionon Kosovën në një situatë të favorshme në hartën globale”, theksoi ai.
Këtë të hënë nisi Samiti i Investimeve në Ballkanin Perëndimor në selinë e BERZH-it në Londër. Në këtë gjarje që ofron kushte të volitshme për tërheqjen e investimeve të huaja dhe promovimin e projekteve rajonale, pjesëmarrës janë liderët e gjashtë vendeve të Ballkanit Perëndimor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani kujton Betejën e Çabratit dhe 100 civilët e vrarë: Vendosja e drejtësisë është angazhimi ynë i vazhdueshëm
-
Putini betohet për mandatin e pestë, në ceremoninë e bojkotuar nga SHBA-të dhe Britania e Madhe
-
Këlliçi çon Veliajn në SPAK, për lidhje me Ndrangheta-n
-
Deputeti gjerman: Kushtëzimi i anëtarësimit në KiE me Asociacionin është gabim i madh
Lajmet kryesore
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Këlliçi çon Veliajn në SPAK, për lidhje me Ndrangheta-n
-
Putini betohet për mandatin e pestë, në ceremoninë e bojkotuar nga SHBA-të dhe Britania e Madhe
-
Ardhja e Pahorit në vend të Lajçakut mund ta rikthejë idenë e shkëmbimit të territoreve