Kombëtarja U-19 e Kosovës ka arritur të kualifikohet në Elite Round të Euro 2024 që do të zhvillohet në Lituani vitin e ardhshëm.
Dardanët e vegjël arritën të merrnin një barazim 2-2 ndaj Maltës këtë të martë, çfarë rezultoi vendimtar për kalimin e tyre në Elite Round.
Më herët, Kosova U-19 kishte marrë një fitore 4-0 ndaj Ukrainës, lidere e grupit, dhe një barazim 1-1 me Sllovakinë.
Me 5 pikë pas tre ndeshjeve, Kosova siguroi vendin e dytë në Grupin 7 të kualifikueseve dhe shkon tashmë në Elite Round.
Kreu i Federatës së Futbollit të Kosovës (FFK) Agim Ademi ka uruar djemtë dardanë për arritjen e tyre nëpërmjet një postimi në mediat sociale.
“Ky pa dyshim është një sukses frymëzues për futbollin e Kosovës dhe dëshmi për të ardhme të ndritur”, shkruan Ademi.
“Uroj secilin futbollist për angazhimin dhe kontributin e dhënë për këtë arritje. Po ashtu, përgëzoj edhe stafin në krye me përzgjedhësin Adil Maliqi për punën e mirë gjatë kësaj periudhe. Suksese dhe fat në Elite Round”, përfundon numri një i fubtollit në Kosovë.
Skuadrat e tjera të kualifikuara për në Elite Round janë: Danimarka, Franca, Norvegjia, Letonia, Skocia, Serbia, Zvicra, Skocia, Zvicra, Gjermania, Maqedonia e Veriut, Spanja, Gjeorgjia, Ukraina, Kosova, Turqia, Lituania, Izraeli, Kroacia, Çekia, Rumania, Holanda, Austria, Mali i Zi, Belgjika dhe Sllovenia.
Në rrugë për një kualifikim të mundshëm janë Bosnja dhe Hercegovina ose Azerbajxhani, si dhe Italia, Suedia ose Litenshtajni.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë
