![](https://albanianpost.com/wp-content/uploads/2023/01/k.ljl_.j.jpg)
Ambasadori i Kosovës në Portugali, Ylber Kryeziu gjatë së enjtes është takuar me ambasadorin e Libisë në Portugali, të cilin e ka falënderuar për miqësinë ndaj Kosovës.
Takimin e ka bërë të ditur Kryeziu, përmes një shkrimi në rrjetin social ‘Twitter’.
“Një kënaqësi për t’u pritur nga SH.T. Saad A. A. Erhayem, Ambasador i Libisë në Portugali. E falënderova ambasadorin Erhayem për pritjen e tij miqësore dhe miqësinë e Libisë ndaj Kosovës. Kosova dhe Libia do të vazhdojnë të forcojnë lidhjen e tyre”, ka shkruar Kryeziu.
A pleasure to be received by HE Saad A. A. Erhayem, Ambassador of Libya to Portugal. I thanked Ambassador Erhayem for his friendly welcome and Libya’s friendship towards Kosovo. 🇽🇰 and 🇱🇾 will continue strengthening their bond. pic.twitter.com/Cy28y0MQ7J
— Ylber Kryeziu (@YlberKryeziu) January 12, 2023
Më 12 janar, ambasadori i Kosovës në Portugali, Ylber Kryeziu, është takuar edhe me homologun e tij nga Guinea-Bissau.
“Pritje e ngrohtë nga kolegu im i dashur, ambasadori i Guinea-Bissau në Portugali, Helder Vaz Lopes rikonfirmoi marrëdhënien e mirë që Kosova ka me Gunea Bissau dhe e cila vetëm do të vazhdojë të forcohet”.
Edhe ambasadori i Kosovës në Belgjikë, Agron Bajrami, këtë të mërkurë është takuar me ambasadoren e Libisë në Belgjikë, Amel Jerary, në Bruksel.
Takimet e ambasadorëve të Kosovës me përfaqësues të shteteve afrikane janë shpeshtuar këtë muaj pasi Aleksandër Vuçiç, presidenti i Serbisë, javë më parë kishte pretenduar se nëntë shtete, kryesisht nga Afrika, tashmë kanë ndryshuar pozicion në raport me shtetësinë e Kosovës, në mesin e tyre ishte edhe Guinea Bissau.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet