![](https://albanianpost.com/wp-content/uploads/2021/02/AP21040254532629-scaled.jpg)
Kryeministri i Koresë së Jugut Chung Sye-kyun, deklaroi për BBC se vendi është duke synuar “arritjen e imunitetit të tufës” deri në vjeshtë të vitit 2021, pavarësisht programit të vaksinimit.
Koreja ishte një nga vendet e para që u godit nga pandemia vitin e kaluar dhe shpejt u bë model për testimin masiv dhe masat agresive të gjurmimit të kontakteve.
Megjithatë, procesi i vaksinimit ka qenë veçanërisht i ngadaltë.
Zyrtarët shëndetësorë lajmëruan se do të fillojnë inokulimin e stfait mjekësor në spitale dhe shtëpitë e kujdesit vetëm në fund të kësaj jave.
Koreja ka planifikuar të kryejë 800 mijë vaksinime AstraZeneca dhe Pfizer/BioNtech për muajin e ardhshëm.
Në një intervistë të mëparshme, kryeministri u shpreh se në këtë mënyrë zyrtarët do të mund të vëzhgonin sjelljet e vaksinës në vendet e tjera përpara se t’a vendosnin në përdorim.
Sye-kyun u shpreh gjithashtu se synon të vaksionojë 70% të popullsisë deri në fund të shtatorit
Qeveria thuhet të ketë blerë mjaftueshëm vaksina për të vaksinuar popullsinë prej 55 milionë banorësh. Megjithatë, shumica e tyre nuk pritet të mbërrijnë deri në korrik.
Shpresa e një vaksine të vendit mendohet të jetë shkak për vonesat në vaksinime, të cilën Seuli priste t’a kishte gati deri në fund të vitit.
Ndërkohë, mediat vendase janë duke kritikuar qasjen e relaksuar të vendit.
Megjithatë, Koreja e Jugut ka një reputacion të mirë të vaksinimeve masive. Shkalla e saj e inokulimit për sëmundjet kryesore të tilla si hepatiti B janë zakonisht më të larta se ato të Shteteve të Bashkuara, Mbretërisë së Bashkuar dhe Australisë.
Por një sondazh i fundit nga Instituti i Opinionit të Shoqërisë Kore zbuloi se vetëm rreth 45% e atyre që u pyetën ishin të gatshëm të bënin vaksinimin Covid 19.
45% u shprehën se dëshironin të shqyrtonin më mirë situatën dhe 5% e refuzuan.
Nuk kanë munguar kufizimet
Që nga dhjetori vendi ka hyrë në shtetrrethim prej orës 21:00.
Javët e fundit është zgjatur me një orë shtesë, dhe ardhja e pranverës pritet t’i mbush akoma më shumë rrugët e Seulit.
Dyqanet e kafeve dhe baret janë aktivë dhe madje edhe klubet e natës janë rihapur për të rinjtë – dhe të moshuarit. Zyrtarët shëndetësorë njoftuan të hënën se ishte rregjistruar një shifër e lartë e infeksioneve në diskotekën e të moshuarve.
Po ashtu, në dhjetor, rastet ditore u rritën në më shumë se 1 mijë.
Nga ana tjetër, kryeministri ishte shprehur se dëshironte të arrinte një ekuilibër midis ekonomisë dhe parandalimit të infeksionit.
“Unë besoj se është më mirë të minimizohen kufizimet. Por duhet të kemi parasysh se nëse nuk arrijmë të përmbajë Covid-19 ne do të dështojmë të zhvillojmë edhe ekonominë tonë”, kishte deklaruar Sye-kyun.
Lufta e Koresë së Jugut kundër koronavirusit nuk ka qenë e përsosur. Megjithatë por ka shpëtuar jetë. Pak më shumë se 1 mijë e 500 njerëz kanë vdekur. 87 mijë infeksione u rregjitruan vitin e kaluar.
Koreja e Jugut u përqendrua në tre parimet e testimit, grumbullimi dhe gjurmimi i virusit dhe vlerat e demokracisë, transparencës dhe hapjes.
“Vetëm më vonë mësuam se po menaxhonim më mirë se të tjerët në botë”, kishte thënë Sye-kyun.
Koreja e Jugut ka arritur deri më tani, të kontrollojë virusin dhe të jetojë me Covid-19 pa një bllokim të madh në të gjithë vendin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com