Koreja e Jugut së fundmi ka njoftuar veprime të mëtejshme ekonomike në përgjigje të pushtimit rus të Ukrainës.
Nga e marta e 8 marsit, ajo do të ndalojë transaksionet me bankën qendrore të Rusisë, pas lëvizjeve të ngjashme nga Shtetet e Bashkuara të Amerikës dhe Bashkimi Evropian.
Të paktën kështu ka bërë me dije Ministria e Financave në vend.
Po ashtu ka njoftuar ndëshkime të reja për fondet kryesore të pasurisë sovrane ruse, Fondin Kombëtar të Pasurisë së Federatës Ruse dhe Fondin e Investimeve Direkte Ruse, si dhe Bankën Rossiya.
E gjitha për t’i shkëputur nga çdo biznes me njerëzit dhe kompanitë e Koresë së Jugut.
Masat pasojnë vendimin e javës së kaluar të Koresë së Jugut për të ndaluar transaksionet me shtatë banka të mëdha ruse dhe filialet e tyre, duke përfshirë Sberbank.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com